Vulkan Avropa hava yollarını iflic vəziyyətə salıb

SON XƏBƏRLƏR

Vulkan Avropa hava yollarını iflic vəziyyətə salıb

2021.10.20, 07:36

Gunaz.tv

Vulkan Avropa hava yollarını iflic vəziyyətə salıb

GünAzTv mətbuat mərkəzinin “musavat”-a istinadən yaydığı məlumata görə, İslandiyada təxminən 200 ilə yaxın fasilədən sonra yenidən püskürən vulkan bütün Avropa qitəsində hava nəqliyyatının işini iflic edib.

Xəbərlərə görə, ötən sutka vulkan ikinci dəfə püskürüb, onun kraterindən qalxan qatı toz buludu bütün Avropa qitəsi üzərində yayılıb. Vulkan ocağında partlayışlar ara vermir, qara-boz rəngli toz buludu kilometrlərlə yüksəkliyə qalxıb. Bəzi yerlərdə toz buludunun artıq 18 kilometr hündürlüyə qalxdığı bildirilir.

Mütəxəssislər qeyd edir ki, vulkanın nə zaman sönəcəyi məlum deyil. İslandiyanın geofizikləri vulkanın aylarla püskürməkdə davam edə biləcəyini açıqlayıblar. Lakin vulkan püskürməsi dayansa belə, hava nəqliyyatının işini bərpa etmək tezliklə mümkün olmayacaq. Atmosferə yayılan toz buludunun çəkilməsi üçün həftələrlə vaxt tələb olunur. Bildirilir ki, ilk dəfə 1821-ci ildə fəallaşan vulkanın püskürməsi iki il davam edib. Məlumatlara görə, vulkan ocağından qalxan toz buludu Benilüks ölkələrinin, Skandinaviya yarımadasının və Böyük Britaniyanın üzərini bürüyüb, bu gün buludun Polşa və Baltikyanı ölkələrə çatacağı gözlənilir.Yaranmış təhlükəli vəziyyətlə bağlı Avropanın əksər hava yolları şirkətləri bütün uçuşları aprelin 15-dən dayandırıblar. Böyük Britaniyada uçuşlara qoyulan qadağanın ən azı bir həftə, ola bilsin ki, həftələrlə davam edə biləcəyi açıqlanıb. Havaya qalxmaq icazəsinə ancaq xilasetmə xidmətlərinə aid olan aviasiya malikdir. Finlandiya hava məkanını bağlı elan edib, Almaniyada da bütün aeroportlarda uçuşlar təxirə salınıb, on minlərlə adam əllərində bilet aeroportlarda gözləməkdədir. Ötən həftə dövlət rəhbərlərini aviaqəzada itirən Polşa da hava məkanını böyük ölçüdə bağlayıb. Prezident Lex Kaçinskinin aprelin 19-na təyin olunmuş dəfn mərasiminin təxirə salınması ehtimalı var. Belə ki, dəfnə bir çox dünya ölkələrinin liderlərinin qatılması gözlənilirdi, ancaq aviasiyanın uçuşu dayandığı üçün bu hələ mümkün olmayacaq.

GUNAZ.TV

SON XƏBƏRLƏR