İranın nüvə məsələsi  sammitin əsas müzakirə mövzusu olub

GünAzTv: Vaşinqtonda keçirilən nüvə təhlükəsizliyi sammitində İranınn nüvə məsələsi ölkə başçıları ilə Obama arasında ikili görüşlərin müzakirə obyekti olub. Bu görüşlər zamanı BMT-nin Təhlükəsizlik Şurasının 5 daimi üzvü və Almaniya İranla bağlı məsələləri müzakirə edərək mümkün variantlar haqda fikir mübadiləsi aparıblar. Bu müzakirələrdən sonra diplomatlar BMT-nin Təhlükəsizlik Şurasının İrana qarşı yekdil mövqedə olmasına inanaraq yalnız Türkiyə və Braziliyanın mövqelərinin onlarla üst- üstə düşmədiyini güman edirlər. Amma bu iki ölkənin mövqeyi İrana qarşı hər hansı bir qətnamənin qəbul olunmasını əngəlləmək imkanına malik deyil.

Sammitin nəticələri İran rəsmilərini hiddətləndirmiş və müxtəlif bəyanatlar səbəb olub. İran prezidenti Mahmud Əhmədinejad bununla bağlı İran Televiziyasına verdiyi müsahibəsində bildirib ki, Obamanın yalnız bir şansı var. O, İrana hörmət etməli və qarşılıqlı əməkdaşlığa gəlməlidir. Əhmədinejadın sözlərinə görə “Obama Fələstində heç bir iş görə bilmədi. İraqda isə uğur qazanmaq mümkün olmayıb və Əfqanistanda da qarmaqarışıq bir duruma düşüb”. Bu səbəbdən İranla hörmət və ehtiramla davranmalı və əməkdaşlıq etməlidir. Əhmədinejadın sözlərinə görə Obama belə olan halda daha çox imkanlar əldə edə bilər.

Vaşinqtonda sammit gedən zaman İran Nüvə Enerjisi Mərkəzinin rəisi Əli Əkbər Salehi Rusiyanın Vremiya Novosti qəztinə müsahibə verərək bildirib ki, onun ölkəsi Rusiya və Fransaya etimad etmədiyindən zənginləşdirilmiş uranın mübadiləsindən vaz keçdi. O həmçinin bildirib ki, sanksiyalar hər bir ölkəyə problemlər yarada bilər, amma İrana qarşı 31 ildir ki, sanksiyalar tətbiq olunub. Bu səbəbdən İran artıq buna adət edib. Salehi əlavə edib ki, İran sanksiyaları arzulamır.

Salehi, “İran uranın mübadiləsini nədən qəbul etmədi” sualına cavab verərək bildirmişdi ki, İran təklifi irəli sürən tərəflərə etimad etmir. Onun sözlərinə görə, Rusiya və Fransa daha çox zənginləşdirilmiş uranı qaytarmaqdan imtina edə bilərdi.

İranın MAQATE-dəki nümayəndəsi Əliəsğər Sultaniyyə Vaşinqtonda keçirilən sammitlə bağlı bildirib ki, orada müzakirə olunan və qəbul olunan qərarlar iştirak etməyən ölkələr öçün vacib deyil. Aprelin 12-də İRNA-ya verdiyi müsahibəsində bildirib ki, ABŞ dünya ictimaiyyətini çaşdırmaq məqsədi ilə dünya ölkələrinin bir neçəsini bu konfransa çağırıb. “Amma dünyanın əsas qorxusu ABŞ və digər böyük güclərin əlində olan nüvə başlıqlı silahlardandır”.

İran hakimiyyəti də aprelin 17-18-də nüvə silahların məhvi ilə bağlı 2 günlük konfrans keçirçməyi planlaşdırıb. Bu konfrans ABŞ və Fransanın etirazlarına səbəb olub.  Sultaniyyə bu barədə bildirib ki, bu konfransı keçirməklə İranın nüvə silahı əldə etməməsini göstərmək istəyirlər. araztm