Müvəqqəti hökumət Bakiyevə ultimatum verib

SON XƏBƏRLƏR

Müvəqqəti hökumət Bakiyevə ultimatum verib

2021.10.20, 07:36

Gunaz.tv

Müvəqqəti hökumət Bakiyevə ultimatum verib

GünAzTv: Qırğızıstanın müvəqqəti hökuməti prezident Kurmanbek Bakiyevə ultimatum verib. ultimatumda bildirilir ki, Bakiyev ya Bişkekə qayıtmalı, ya da onu həbs edəcəklər. Bundan başqa müvəqqəti hökumət prezident Bakiyevi toxunulmazlıq hüququndan məhrum edib. Müvəqqəti hökumətin baş nazirinin müavini Əzimbek Beknazarov bildirib ki, məhz səlahiyyətlərdən məhrum edilməsinə əsaslanaraq Bakiyevin həbsi haqqında order imzalanacaq: “Biz bu günə qədər onu gözləyirdik, Bakiyev isə hələ Cəlalabadda mitinqlər keçirir”. Bakiyevə qarşı hansı maddə ilə cinayət işinin başlanacağı açıqlanmır. “Xəbər” agentliyinin yaydığı məlumata görə, hökumət Konstitusiya Məhkəməsinin də fəaliyyətini dayandırıb. Beknazarov bu addımı ölkədə qeyri-stabilliyə gətirib çıxaracaq qərarların qəbulunun qarşısını almaq istəyi ilə əsaslandırıb. Xatırladaq ki, bu səhər Cəlalabadda prezident tərəfdarlarının mitinqi başlayıb. Mitinqdə 3 mindən artıq insan iştirak edib. Müxalifətin qurduğu müvəqqəti hökumətin Qırğızıstan prezidenti Kurmanbəy Bakiyevin 1 gün ərzində Bişkekə qayıtması ilə bağlı ultimatumu nəticə verib. Lent.az-ın “RİA Novosti” agentliyinə istinadən verdiyi məlumata görə, Kurmanbəy Bakiyev dünən keçirdiyi mətbuat konfransında Bişkekə qayıtmağa hazırlaşmadığını söyləyib. O bildirib ki, müvəqqəti hökumətin üzvləri öz təhlükəsizliklərini təmin edə bilmirlər, hansısa ultimatumdan danışmaq yersizdir. Kurmanbəy Bakiyev müvəqqəti hökumətin baş naziri Roza Otunbayevanı danışıqlar aparmaq üçün Cəlalabad vilayətinə dəvət edib və onun təhlükəsizliyinə zəmanət verib. Qırğızıstan prezidenti deyib ki, hökumətin xüsusi əməliyyatından qorxmur və müvəqqəti hökumət ölkənin cənubunda əhalinin narazılığının qarşısını ala bilməz. Bununla belə, Kurmanbəy Bakiyev istefaya getməyə hazır olduğunu da dilə gətirib: “Əgər mənim və yaxınlarımın təhlükəsizliyi təmin edilsə, istefaya getməyə hazıram. İkincisi, qayda-qanun yaradılsın və paytaxtda silahlı şəxslərin gəzməsinin qarşısı alınsın”. Qırğızıstan prezidentinin qardaşı, Dövlət Mühafizə Xidmətinin rəhbəri Janış Bakiyev isə mətbuat konfransında müvəqqəti hökumətin prezident barədə verdiyi həbs qərarını mənasız adlandırıb: “Mən indi 5 nəfər yığaram və onların həbsi barədə sanksiya verərəm”. Onu da qeyd edək ki, müvəqqəti hökumət Kurmanbəy Bakiyevlə danışıqlar aparmaq niyyətində olmadığını bəyan edib. Müvəqqəti hökumətin aparat rəhbəri Edil Baysalov növbəti dəfə vurğulayıb ki, əli qana batmış diktatorla danışıq aparılmayacaq. Müvəqqəti hökumət Qırğızıstan prezidenti haqqında cinayət işi açıldığını da bildirib. Ancaq cinayət işinin hansı maddələr üzrə açıldığı bildirilməyib. apa

GUNAZ.TV

SON XƏBƏRLƏR