Politoloq Taleh Əliyev: Mən sizi əmin edirəm ki Azərbaycan əsgəri erməni hərbçilərinə qalib gələr (MÜSAHİBƏ)

Ümid partiyasının sədr müavini, politoloq Taleh Əliyevin GünAzTv Mətbuat Mərkəzinə müsahibəsi:

- Taleh bəy, bəzən eşidirik ki, Azərbaycan ordusu zəifdir, torpaqlarımızın azadlığı üçün lazım gəlsə sözündən başqa bir söz eşidilmir və s. sözlər ortaya gətirilir. Bir keçmiş hərbiçi olaraq səslənən fikirlərə münasibətinizi bilmək maraqlı olardı?

- Azərbaycan ordusunun zəifliyi haqqında səslənən fikirlər ayrı-ayrı dirələrin fikridi. Mən deyərdim ki, hətda bir-birinə antaqonist olan dairələrin fikridi. Əslinə qalsa bu fikrin əsas müəllifləri Azərbaycanın açıq və gizli düşmənləridi, başqa sözlə desək ermənilər, onların havadarları və Azərbaycan adlı dövlətin varlığını həzm edə bilməyən qüvvələr. İkincisi hazırkı ordu komandanlığına müxalif olan eks hərbiçilər və nəhayət Azərbaycan ordusunu bundan da güclü görmək istəyən milli qüvvələr. Torpaqlarımızın azadlığı üçün lazım gəlsə sözünün tez-tez işlədilməsi isə aparılan sülh danışıqları prosesi  ilə bağlıdır. Fikir verirsinizsə bu ifadəni daha çox danışıqlar prosesində şəxsən iştirak edən prezdent İlham Əliyev və digər azərbaycanlı diplomatlar işlədir. Hərbiçilərimiz isə vəzifə və hərbi rütbəsindən aslı olmayaraq, bir qayda olaraq Ali Baş Komandanın əmrinə hər zaman hazırıq  deyirlər. O ki, qaldı keçmiş hərbiçi olaraq səslənən fikirlərə münasibət bildirməyə. Unutmaq lazım deyil ki, bu müharbədə Azərbaycan  ermənilərlə döyüşmür. Hərçəndi qarşı tərəfdə erməni əsgərləri dayanıb, amma hər kəs bilir ki, qarşı tərəf kimdi. Əgər xatırlayırsınızsa birinci Qarabağ müharbəsində Azərbaycan əsgəri az qala bütün Qarabağı işğaldan azad etmişdi. Yəni demək istəyirəm ki, o vaxt nə nizamlı ordumuz vardı, peşəkar hərbçilərimizində sayı çox az idi. Ordunun maddi-texniki təminatıda  indikindən çox-çox zəif idi. Əgər Azərbaycan ordusu ilə erməni hərbiçiləri nə zamansa qarşı-qarşıya gələrsə mən sizi əmin edirəm ki, Azərbaycan əsgəri qalib gələr.

- Ümümiyyətlə, bölgədə yeni müharibə riski gözlənilirmi?

- Bölgəmiz barıt çəlləyinə bəzəyir. Bölgəmizdə bu gün bitməmiş müharibələr var. Rusiya ərazisində şimali qafqazda, Gürcüstanda Abxaziya və Cənubi Osetiyada, Türkiyədə PKK-a terroru və Azərbaycanda Qarabağ müharibəsi bitmiş sayılmır. Eyni zamanda həm Rusiya ərazisində şimali qafqazda yeni münaqişələrin yaranması ehtimalı var, Gürcstanda Cavaxetiya problemi var, Cənub qonşumuzun hər an yeni müharibəyə cəlb olma ehtimalı var. O k,i qaldı ikinci Qarabağ müharibəsinin başlanması ehtimalına, mən bunu o qədərdə real hesab etmirəm, çünki bu günki status kvo Azərbaycandan başqa bütün tərəfləri qane edir.

- Vəfa Quluzadə bu yaxınlarda media verdiyi açıqlamasında bildirdi ki, Rusiya nə vaxtsa Azərbaycanı işğal edəcək. Politoloq özü bunu belə əsaslandırır ki, Rusiya bu planı Ermənistanın əli ilə reallaşdırdırmaq istəyəcək. Yəni Azərbaycan Ermənistana müharibə elan edəcək. Rusiyada bundan istifadə edib. Azərbaycanı işğal edəcək.

- Mən Vəfa müəlimin şəxsiyyətinə və dəyərli fikirlərinə hər zaman hörmətlə yanaşmışam. Bilirsiniz ki, Vəfa müəllimin böyük diplomatik təcrübəsi var və masir dünyada, xüsusən də bizim bölgədə baş verən siyasi prosesləri çox diqqətlə izləyir. Bu səbəbdən də  orta və uzaq vədəli proqnozları çox zaman düz çıxır. Yadmdadı hələ 90-cı illərin ortaları idi, Vəfa müəllim qərbin qafqazda demokratiyaya real dəstəyinin təqribən 10-15 ildən sonra ola biləcəyini qeyd etmişdi. Vəfa müəllim qeyd edirdi ki, qərb ilk növbədə şərqi avropa ölkələrində və o cümlədən PriBaltikada demokratikləşmə prosesini dəsdəkləyəcək. Daha sonra bizim bölgəmizə gələcək. Baxın keçən il Avropa Birliyinin təşəbbüsü ilə 6 keçmiş sovet respublikasına - Azərbaycana, Gürcüstana, Ermənistana, Ukraniya, Moldavaya və Belarusiyaya yönəlik Şərq Tərəfdaşlığı Proqramı adlı  yeni təşəbbüs irəli sürdü. Bu fakt mən deyərdim ki, Vəfa müəlimin uzaqgörənliynə ən bariz nümunədi. Hesab edirəm ki, Vəfa müəllimin bu açıqlamasını da həm Azərbaycan rəsmləri diqqətdə saxlayacaq, həm də Azərbayanı öz müttəfiqi hesab edən dövlətlər və regonal təşkilarlar.

-Ermənistan prezidentinin “Euronews” kanalında səsləndirdiyi Azərbaycanla müharibə etməməklə bağlı sazış təklifi - Sizcə, bu ermənistanın şəxsi istəyiləmi ortaya gətirilir?

- Çox anormal bir təklifdi, S. Sərkisiyanın bu təkliflə çıxış etməsi isə çox normaldı. Təklif ona görə anormaldı ki, dünya tarixində belə hal olmayıb ki, hər hansı formada olmasından aslı olmayaraq, müharibə başa çatmadan tərəflər arasında  müharibə etməməklə bağlı sazış imzalansın. Elnur Eltürk