“31 Mart Sorqırımı” ilə bağlı 40-a yaxın ölkədə tədbirlər keçirilib

SON XƏBƏRLƏR

“31 Mart Sorqırımı” ilə bağlı 40-a yaxın ölkədə tədbirlər keçirilib

2021.10.20, 07:36

Gunaz.tv

GünAzTv: Dünən dünyanın 40-a yaxın ölkəsində ermənilərin azərbaycanlılara qarşı törətdikləri soyqırımın 92-ci il dönümü ilə bağlı tədbirlər, müxtəlif aksiyalar keçirilib. Xarici İşlər Nazirliyinin mətbuat xidmətinin rəhbəri Elxan Poluxovun sözlərinə görə, bu tədbirlərin məqsədi erməni vandalizmini dünyanın diqqətinə çatdırmaqdır. GünAzTv mətbuat mərkəzinin "anspress"-ə istinadən yaydığı məlumata görə, "Ermənilərin azərbaycanlıara qarşı apardıqları vəhşilik siyasətinin dərin köklərə əsaslanmasını göstərir. Daima məlumat verilir ki, bu gün aparılan addımlar artıq dünən yox, on illiklər bundan əvvəl başlayıb və həyata keçirilib. Tarix Azərbaycanın tarixidir. Lakin biz bu tarixi unutmadan, bütün dünya ictimayyətinin nəzərinə çatdıracağıq və erməni siyasi dairələrinin əsl sifətini göstərəcəyik", - deyə XİN mətbuat xidmətinin rəhbəri Elxan Poluxov bildirib. Azərbaycanın Qırğızıstandakı səfirliyində Azərbaycan diasporasının iştirakı ilə tədbir keçirilib. Toplantıda ermənilərin azərbaycanlılara qarşı istər ötən əsrin əvvəlində, istərsə də Xocalıda törətdikləri soyqırımlar barədə məlumat verilib. Türkdilli ölkələrin diaspora mərkəzinin təmsilçisi Diyaz Xəlilov soyqırıma məruz qalanların xatirəsinə Qırğızıstanın paytaxtı Bişkekdə heykəl ucaldılmasına hazırlaşdıqlarını bildirib. Azərbaycanın Qazaxıstandakı səfirliyi Astanadakı Milli Akademik Kitabxanada 31 Mart - Azərbaycanlıların soyqırımı günü ilə əlaqədar konfrans keçirib. Konfransda Qazaxıstanın elm, mədəniyyət və incəsənət xadimləri, Qazaxıstan-Azərbaycan Dostluq və Mədəniyyət Assosiasiyasının sədri Asxad Şakirov, hakim "Nur Otan" partiyasının nümayəndələri diaspora üzvləri, jurnalistlər iştirak edib. Vaşinqitonda da "Xocalıya Ədalət" kampaniyasının üzvləri soyqırımla bağlı tədbir keçirib. Tədbirdə ümumilikdə Ermənistanın Azərbaycana təcavüzü haqqında konfrans iştirakçılarına məlumat verib. Azərbaycanlıların soyqırımı günü ilə əlaqədar Belçikada Azərbaycanlıların Koordinasiya Mərkəzi tədbir keçirib. Ermənilərin 1918-ci ilin martında Bakıda və Azərbaycanın müxtəlif rayonlarında azərbaycanlılara, türklərə, yəhudilərə və digər millətlərə qarşı törətdikləri soyqırımı ilə bağlı həqiqətləri barədə tədbir iştirakçılarına məlumat verib. Rumıniyada fəaliyyət göstərən Azərbaycan Cəmiyyəti soyqırımının 92-ci ildönumu ilə bağlı tədbir keçirib. Bu ölkədə yaşayan müxtəlif xalqların nümayəndələri qatıldığı tədbirdə son yüz ildə erməni terrorçularının Azərbaycan, türk və digər xalqlara qarşı törətdikləri soyqırımı hadisələrini özündə əks etdirən sənədli film göstərilib.

GUNAZ.TV

SON XƏBƏRLƏR