GünAzTv: ABŞ (Amerika Birləşmiş Ştatlar) Dövlət Departamentinin spikeri Filipp Krouli gündəlik mətbuat konfransında Davudoğlu-Klinton arasında telefon danışıqlarında Minsk qrupu həmsədrlərinin fəaliyyəti, ABŞ-ın Dağlıq Qarabağ münaqişəsinin həllinə yönəlik səyləri, Türkiyə-Ermənistan əlaqələri, Klintonun Rusiyaya səfəri və Orta Şərqdəki proseslərlə bağlı vəziyyətin müzakirə olunduğunu açıqlayıb. Telefon danışığını "isti və konstruktiv" qiymətləndirən Krouli Klinton və Davudoğlunun müzakirələr zamanı Türkiyə ilə ABŞ arasındakı strateji ortaqlığının əhəmiyyətinin vurğuladıqlarını söyləyib. Krouli "Klinton Davudoğlundan səfir Namik Tanın Vaşinqtona geri göndərilməsini istədi?" sualını cavablandırarkən bu məsələnin də müzakirə olunduğunu, ancaq qərarı Türkiyənin verəcəyini deyib. Türkiyənin səfir Namik Tanı məsləhətləşmələr üçün geri çağırmasının səbəblərini anladıqlarını söyləyən Krouli səfirin "Türkiyənin özünü rahat hiss etdiyi təqdirdə, mümkün olduqca tez Vaşinqtona geri göndəriləcəyini ümid etdiklərini" açıqlayıb. "Türkiyənin "erməni soyqırımı" qanununun Konqresdə qəbul olunmayacağı vədi verilmədən səfir Tanı geri göndərməyəcəyini ifadə etdiyini" xatırladılıb. Qondarma soyqırım layihəsiylələ bağlı Nümayəndələr Məclisində yeni bir proseslərin olub- olmadığını soruşulub. Səfirin göndərilməsiylə bağlı qərarı Türkiyənin verəcəyini təkrarlayan Krouli Klinton və Davudoğlunun müntəzəm olaraq görüşdüklərini bildirib. "Türkiyənin cəlb olunduğu məsələlərə baxsanız, görərsiniz ki, bu ölkə İranla, Suriya ilə dialoq aparır, heç də uzaq olmayan keçmişdə İsraillə konstruktiv münasibətlərə malik olub. Türkiyə bölgədə getdikcə daha önəmli rol oynayır". Krouli bildirib: "Türkiyə üzərində çox vaxt ayırdığımız, diqqətimizi cəmləşdirdiyimiz Türkiyə-Ermənistan əlaqələrinin inkişafıyla sıx bağlı olan ölkədir". Krouli Türkiyə və Ermənistana protokolların ratifikasiyası, prosesin irəliləməsi üçün təzyiq göstərdiklərini də vurğulayıb. "Eyni şəkildə, Minsk qrupu üzvləri olaraq Dağlıq Qarabağ münaqişəsi kimi çətin və kompleks məsələdən baş çıxarmağa çalışdıqlarını" ifadə edən Krouli deyib: "Bu, Türkiyə ilə əlaqələrimizin davam edən strateji mahiyyətinin bir parçasıdır". Türkiyə Osmanlı imperiyası dövründə, 1915-ci ildə baş verən hadisələri "soyqırım" kimi tanıyan qətnamənin Nümayəndələr Palatasında qəbul edilməməsi üçün ABŞ-a təzyiq göstərir. Dünən Türkiyənin Xarici İşlər nazirliyinin yaydığı məlumatda da bildirilib ki, ABŞ-ın dövlət katibi Hillari Klinton və Türkiyənin xarici işlər naziri Əhməd Davutoğlu qondarma "erməni soyqırımına" dair qətnamənin qəbul olunması məsələsini telefon söhbəti zamanı müzakirə ediblər. Türkiyənin Xarici İşlər nazirliyi bildirir ki, məsələ dünən ABŞ-ın dövlət katibi Hillari Klinton və Türkiyənin xarici işlər naziri Əhməd Davudoğlu arasında telefon söhbəti zamanı müzakirələrin əsas mövzusu bu olub. Xarici İşlər nazirliyinin bəyanatında deyilir ki, Davutoğlu Klintona qətnamənin Konqresin Nümayəndələr Palatasında səsverməyə çıxarılmamasının nə qədər əhəmiyyətli olduğunu bildirib. Xarici İşlər nazirliyi bildirib ki, bu addım Türkiyənin Cənubi Qafqaz regionunda sülh səyləri və ABŞ-Türkiyə münasibətlərinə mənfi təsir göstərə bilər. Bəyanatdadeyilir ki, siyasətçilər tarixi keçmişi mühakimə etməməlidir. Dünən məlum olub ki, "erməni soyqırımı" qərarının İsveç parlamentində qəbulundan sonra məsləhətləşmələr üçün Türkiyəyə çağırılan səfir Korutürk Stokholma qayıdıb. "Esenboğa" hava limanında jurnalistlərin suallarını cavablandıran Korutürk diplomatiyada səfirin müşavirələr üçün geri çağırılmasının ciddi reaksiya, hətta etiraz olduğunu söyləyib, Türkiyənin bu reaksiyanı göstərdiyini xatırladıb. "Erməni soyqırımı" qərarının qəbulundan sonra İsveç hökumətinin atdığı bütün addımlar isə bu qərarı heç bir şəkildə təsdiqləmədiyini və bunun tətbiq olunmayacağını ortaya qoyub. Korutürk deyib ki, İsveç konstitusiyası xarici siyasəti hökumətin öhdəsinə buraxır və dolayısıyla, bu qərar tövsiyə xarakterlidir: "İsveç hökuməti bu qərarın tətbiq olunmayacağını açıq bir şəkildə ifadə edib". Jurnalistlərdən birinin "Nə dəyişdi ki, geri qayıdırsınız?" sualına cavabında səfir Korutürk çox şeyin dəyişdiyini ifadə edərək, qərarın qəbulundan bu yana baş verənləri xatırladıb. İsveç parlamentinin qərarı qəbul etməsindən sonra ilk təyyarəylə Türkiyəyə döndüyünü xatırladan Korutürk iki ölkə xarici işlər nazirlərinin Finlandiyada bir araya gəldiyini, İsveçin bunu çox səhv qərar saydığını, İsveç baş nazirinin baş nazir Rəcəb Tayyib Ərdoğanı telefonla arayaraq üzr istədiyini deyib: "Gəlməyim necə bir siyasi qərardırsa, getməyim də elə siyasi qərardır. Geri dönməyim üçün bütün şərtlər var. Bu mərhələdən sonra İsveç və hökumətinin rəftarı əhəmiyyətlidir. Bu səhvi necə kompensasiya edəcəklərini birlikdə görəcəyik. İsveç hökumətinin əlindən gələni edəcəyini də ümid edirəm". ...Dünən İngiltərə Lordlar Palatası Barones Karoline Koksun səyilə "erməni soyqırımı" layihəsini müzakirə etməyə başlayıb. Erməni terrorçularına dəstəyilə Azərbaycanda məşhur olan Baronessa Koks əvvəllər olduğu kimi yenə də türk düşmənçiliyini ortaya qoyub...

Xalqcebhesi