Contact Us

SON XƏBƏRLƏR

Vaşinqton və Təl-Əviv arasında gərginlik yaşanır

2021.10.20, 07:36
Vaşinqton və Təl-Əviv arasında gərginlik yaşanır

Gunaz.tv

GünAzTv: İsrailin Şərqi Qüdsdə yeni yaşayış massivinin inşası ilə bağlı qərarından sonra Təl-Əviv və Vaşinqton arasında yaranan gərginlik davam edir. İsrailin Baş naziri Benyamin Netanyahunun ABŞ-a səfəri də soyuqluğu aradan qaldıra bilməyib. Qeyd edək ki, Birləşmiş Ştatlara səfərini başa vuran Baş nazir Qüdsə yola düşməzdən əvvəl İsraillə ABŞ arasında narazılığın aradan qaldırılması istiqamətində irəliləyişlərin olduğunu bildirib. Baş nazir həmçinin Fələstinlə sülhə nail olunmasında İsrailin maraqlı olmasını və bunun üçün Birləşmiş Ştatların vasitəçiliyinin önəmli olduğunu vurğulayıb.

GünAzTv mətbuat mərkəzinin "anspress"-ə istinadən yaydığı məlumata görə, "Biz Fələstinlə sülhün bərpa olunmasında maraqlıyıq. İsrail hökuməti bu prosesdə öz ənənəvi siyasətindən istifadə edir. Biz bunun üçün ən optimal vasitələri və yolları tapmağa çalışırıq", - deyə İsrailin Baş naziri bildirib.

Netanyahunun Birləşmiş Ştatları tərk etməzdən əvvəl səsləndirdiyi bu fikirlər Obama administrasiyasının rəsmilərinin fikirləri ilə üs-üstə düşməyib. Belə ki, adlarının məxfi saxlanılmasını istəyən rəsmilər bildirib ki, ötən gün Netanyahu ilə Birləşmiş Ştatlar prezidentinin Yaxın Şərq üzrə xüsusi nümayəndəsi Corc Mitçel Vaşinqtonda keçirilən danşıqlarda iki müttəfiq ölkə arasında fikir ayrılığının həllinə nail ola bilməyib. Onların sözlərinə görə, bu fikir ayrılıqlarının əsas mənbəyi İsrailin mübahisəli Şərqi Qüds ərazisində yaşayış massivləri inşa etməsindən qaynaqlanır.

Qüds meri Nir Bərkət isə şəhərdə yəhudi və ərəb sakinlərin birgə yaşaması üçün ədalətli, şəffaf və qətiyyətli addımın atılmasına dair öhdəlik daşıdıqlarını ifadə edib.

Xatırladaq ki, İsrail rəhbərliyi bu ayın əvvəli mübahisəli Şərqi Qüds ərazisində 1600 yeni yaşayış massivinin inşası ilə bağlı qərar verib. Bu qərarın Birləşmiş Ştatların vitse-prezidenti Co Baydenin İsrailə səfəri ilə üst-üstə düşməsi rəsmi Vaşinqtonun qəzəbinə səbəb olub.

SEÇİLMİŞ XƏBƏRLƏR

Çox oxunanlar