Contact Us

SON XƏBƏRLƏR

“Xocalı soyqırımı” Britaniya parlamentində gündəmə gəlib

2021.10.20, 07:36
“Xocalı soyqırımı” Britaniya parlamentində gündəmə gəlib

Gunaz.tv

GünAzTv: Bir qrup ingilis parlamentari Xocalı soyqırımının İngiltərə parlamentində tanınması üçün təşəbbüslə çıxış edib. İlkin sənəd layihəsinə artıq parlamentin 30-a yaxın üzvü imza atıb.  GünAzTv mətbuat mərkəzinin "anspress"-ə istinadən yaydığı məlumata görə, Deputat Mayk Henkokun rəhbərliyi ilə parlamentarilər ingilis hökumətinə Xocalı soyqırımının tanınması üçün müraciət edərək, bunun Dağlıq Qarabağ probleminin beynəlxalq səviyyədə sülh yolu ilə həlli üçün yeni imkanlar açacağına əmin olduqlarını bildiriblər.

Bundan başqa, Avropa Azərbaycan Cəmiyyəti (AAC) Böyük Britaniyanın baş naziri Qordon Braunun rəsmi internet saytında müraciətlə çıxış edib. İngiltərə Baş naziri Qordon Braunun rəsmi internet saytında Böyük Britaniya vətəndaşlarının imza kampaniyasına start verilməsi üçün xüsusi bölüm yaradılıb. Təşkilatçılar Qordon Braunun bu faciəni törədənləri qınayaraq, BMT Təhlükəsizlik Şurasının çıxardığı qərarlara hörmət edərək Ermənistanın işğal olunmuş Azərbaycan torpaqlarından çəkilməsini tələb etməyə çağırırlar. Avropalı Azərbaycanlılar Cəmiyyətinin (AAC) mətbuat katibi Lionel Zetter, 613 mülki şəxsin öldürüldüyü Xocalı soyqırımının ingilis millət vəkilləri tərəfindən xatırlanmasının və diqqət mərkəzində saxlanılmasının vacib olduğunu bildirib.

"Azərbaycan cəmiyyəti ilə birlikdə dünya xalqları da Xocalı faciəsini unutmamalıdırlar. Çünki bu faciənin nəticəsi olaraq hələ də sadə insanlar acı çəkirlər. Azərbaycan xalqı və hökuməti bu sahədə hər hansı addımların atılmamasından məyusdur. Parlamentarilərə təqdim olunan sənəddə həmçinin Böyük Britaniyanın Azərbaycanda ən böyük investisiya qoyuluşuna malik olduğu xüsusi vurğulanıb. Azərbaycan İngiltərə üçün vacib bir ölkədir. Neft sənayesində dünya nəhəngi BP-nin də ən böyük maliyyə qoyuluşlarından biri məhz Azərbaycandadır", - deyə Lionel Zetter vurğulayıb.

Zetterin sözlərinə görə, İngiltərənin Azərbaycandakı maraqları digər problemlərin həllinə kömək edə bilər. Zetter həmçinin Türkiyə ilə Azərbaycan arasında dostluğun da bu soyqırımının dünyada tanınması üçün vacib rol oynayacağına əmin olduğunu deyib.

SEÇİLMİŞ XƏBƏRLƏR

Çox oxunanlar