GünAzTv: Novruz Bayramı (21 mart) bütün Türk Dünyasında o cümlədən Bütöv Azərbaycanda əlamətdar gündür.artıq BMT Baş Assambleyası 21 martı - Beynəlxalq Novruz Günü kimi tanıyıb.

sənəd BMT Baş Assambleyasının 64-cü sessiyasının "Sülh mədəniyyəti" adlı 49-cu bəndi altında Azərbaycanın təşəbbüsü ilə irəli sürülüb. Azərbaycanın BMT yanında daimi nümayəndəsi Aqşin Mehdiyevin də iştirak etdiyi müzakirələrdən sonra qətnamə yekdilliklə qəbul olunub.

Novruz, Mәrkәzi Asiyadan Balkanlara uzanan geniş coğrafiyada Türk tayfaları arasında tәzә il kimi qeydedilir vә sevincli bir hala-qışın qurtarmasına vә baharın gәliminә hәsr olunur. Xalqımızın min illәrdәn bәri el arasında yaşayan elә bayramları var ki, yaranarkәn nә bir sözünü, nә bir nәğmәsini yazıya alıblar. Ulu qaynaqlardan süzülüb gәlәn birbirindәn oynaq, lәtifәli bu bayram nәğmәlәri, daha erkәn görüş vә tәsәvvürlәrlә bağlı ayinlәr, etiqadlar, adәt-әnәnәlәr mәrasimlәr, tamaşalar nәsillәrin yaddaşında yaşayaraq әsrlәr, qәrnlәri aşmış, gәlib bu günümüzә qәdәr çatmışdır. Yüzilliklәr dolabında bu el sözü vә nәğmәlәrinin nәqşi pozulanı da olub, bәndi unudulanı da, lakin xalq coşğun bir yaradıcılıqla nәğmәsinin pozulmuş ahәngini, sözünün unudulmuş bәndini cilalamış, bayramlarını rәngarәng oyunlar, açıq havada keçirilәn meydan tamaşaları, yallılar vә coşğun rәqslәrlә bәzәmişdir.

Xalqımızın belә böyük bayramlarından biri dә Novruzdur. Bu bayram hәr il mart ayının 20-21-22-sindә keçirilir. Novruz şәrq xalqlarının islamdan çox әvvәlki әkinçilik, mәhsul bolluğu etiqadları ilә bağlı bayramlardandır. Daha qәdimlәrdә tәbiәtin oyanmasına xoşbәxtlik vә sәadәt rәmzi kimi baxan insanlar yazın gәlişi, havaların istilәşmәsi, yeni әkinçilik mövsümünün başlanması, tәbiәtin yenidәn canlanması, yaşıllaşması ilә bağlı müxtәlif nәğmәlәr, oyunlar mәrasimlәr yaratmışlar. Bütün bu ilkin, ibtidai sәnәt nümunәlәri isә sonralar Novruz әtrafında cәmlәşmişdir. Novruz bayramını qeydetmәk tәzә ili, baharın ilk gününü qarşılamaq demәkdir. Novruz, farsca bir kәlmәdir vә bahar fәslinin başlanışı olaraq bilinir, kәnd tәsәrrüfatının yayğın olduğu bölgәlәrdә bolluq vә bәrәkәt mәnasındadır. Novruz, tәbiәt, dini vә milli bayram olduğu üçün dә, bir mәdәniyyәt faktıdır. Divan әdәbiyatının da әn mühüm mövzularından biri novruzdur. Xalqın qeydetdiği bir bayram olaraq, xalq әdәbiyyatı vә divan әdәbiyatını birlәşdirәn bir ünsür, bir mәdәniyyәt tәdbiridir. Novruz günü hәr kәsin qismәtinin vә gәlәcәyinin müәyyәn olduğuna inanılır. Novruz başdan başa ruh yüksәkliyi, әmәk coşğunluğu, torpağa insana mәhәbbәt bayramıdır. Bu bayramda hamı özünә tәzә patlar alar, tәzә paltar tikdirәr. Gözәl vә tәzә libaslar geyinib tәzә ilә hazırlaşılar. Evlәrdә xörәklәr bişirilәr. Qarşılıqlı ziyarәtlәr olar. Rәqslәr oynanar, yumurtalar boyanar, od yandırılar.

Hәr ictimaiyyәtin özünә mәxsus tәrzdә qeydetdiği Novruz, Azәrbaycan, Qazaqistan, Qırğızistan, Türkmәnistan, Özbәkistan, Uyğur bölgәsi, Anadolu vә Balkanlar ilә İranda әnәnәvi qeydlәrlә canlılığını zәmanәmizdә dә qoruyur.

2009-cu il sentiyabrın 30-da Novruz YUNESKO tәrәfindәn qeyri-maddi mәdәni irs siyahısına daxil edilmiş, 23 fevral 2010-cu ildә isә BMT Baş Assambleyasının 64-cü sessiyasının iclasında mart ayının 21-i "Beyneәlxalq Novruz Günü"elan edilmişdir.

BAYRAMINIZ MÜBARƏK