Contact Us

SON XƏBƏRLƏR

“Hicabsızlığın ləzzəti təcrübə olunmamalıdır”- hicaba nəzarət üzrə qurumun rəsmisi

2024.01.19, 16:32
“Hicabsızlığın ləzzəti təcrübə olunmamalıdır”- hicaba nəzarət üzrə qurumun rəsmisi

Doğruya Çağırış və Yanlışdan Çəkindirmə Qərargahının katibi qadınlar tərəfindən sərbəst geyinmənin ləzzətinin təcrübə olunmaması vacibliyini vurğulayıb.

Gunaz.tv

Məhəmməd Hüseyn Tahiri yanvarın 18-i bu barədə təkid edərək deyib: “İslami cəmiyyətdə hicabsızlıq dəbə düşməməli və hicabsızlığın ləzzətinin təcrübə olunmasına icazə verilməməlidir”

O, həmçinin “iranlıların tarixən hicab kimi çadra örtdüklərini” və “çadra İslama iranlılar tərəfindən hədiyyə olunduğunu” deyib. 

Qeyd edək ki, Azərbaycan xalqının, həmçinin İranda yaşayan digər xalqların mədəniyyətində çadra örtüyü olmayıb.

Azərbaycanda qadınlar üzün yarımçıq örtünməsi üçün yaşmaq taxıb, saç üçün yaylıq örtüb, bədənin örtülməsi üçün isə Güney Azərbaycanın kəndlərində “şəltə” deyilən paltar geyiblər. 

Şəltə əlvan rənglərldə üst-üstə geyilən, gül naxışlı və uzun ətəkli geyimdir. Şəltə  yalnız ağ rəngdən ibarət olmamaq şərti ilə müasir zamanda gəlinliklərə oxşayır. 
خبرگزاری میراث آریا - پوشاک عشایر شاهسون دشت مغان

Güney Azərbaycan soyuq bölgə olduğuna görə qadınlar bir neçə şəltə geyiblər. Həmçinin yaşmaq bəzəkli və yaylıqlar da çalarlı olmaqla, əsla qara rəngdə olması müşahidə edilməyib.

İranın dini hakimiyyətinin israr etdiyi hicab tərzi Azərbaycan mədəniyyətinə yaddır.  

Taymaz
 

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar