Iranda ildə 500 min abort edilir

SON XƏBƏRLƏR

Iranda ildə 500 min abort edilir

2024.01.22, 13:22

İranın sosial və səhiyyə üzrə fəaliyyət göstərən “Nəfəs” Qərargahının sədri ölkədə illik 500 min uşaq saldırma olduğunu bildirib.

Gunaz.tv

İranın ILNA XA-nin xəbərinə əsasən Möhsün Zakirian bu barədə Mərkəzi Əyalətin İnzibati Şurasının iclasında məlumat verib.

O, bildirib ki, ölkə üzrə hazırda mövcud statistikaya görə dölün qalmasının anaya heç bir ziyanı olmadığı bir şəraitdə gündəlik təxminən min uşaq saldırma olunur.

Bunlardan 90-93 faizinin rəsmi və daimi nikahları olan cütlüklər tərəfindən olunduğu qeydə alınıb. Zakirian səbəb kimi ölkənin ağır iqtisadi şəraitini, kəskin inflyasiya, sosial, psixoloji və digər problemləri vurğulayıb.

Həmin problemin qarşısını almaq üçün İranın Səhiyyə Nazirliyi bir neçə ildir həkimlər və müalicə mərkəzlərini ciddi nəzarətdə saxlamaq üçün tədbirlər görüb.

O cümlədən “Uşaq Saldırmaya qarşı Patrul” xidmətini istifadəyə verib. Lakin problemin kökü başqa yerdədir.

Belə ki, İranda Məşəqqət Göstəricisi 2009-cu ildə 35 faiz və inflyasiya 25.4 faiz olarkən 2023-cü ilin Payızında məşəqqət 52, inflyasiya isə 45 faizə yüksəlib.

Nəticəsi olaraq ölkənin iqtisadi və siyasi şərtaiti prspektivinin yaxşı olmadığına görə cütlüklərdə uşaq saldırmağa meyillənmək artır.

Məşəqqət Göstəricisi işsizlik və inflyasiya əmsallarını toplamaqla iqtisadiyyatın sağlamlığı ölçülür və nəticədə ölkə vətəndaşlarının rifah səviyyələrinin necə olduğu müəyyən edilir.

Taymaz

GUNAZ.TV

SON XƏBƏRLƏR