Terrorçuları qəhraman kimi qarşılamaq olmaz Türkiyə iqtidarı İraqın şimalından bir qrup PKK terrorçusunun Abdulla Ocalanın çağırışı ilə hökumətin "kürd açılımı"na dəstək olaraq təslim olmasını qələbə bayram kimi təqdim edir. Düzdür, dövlətə, dövlətçiliyə qarşı çıхan qüvvələr sırasından 150 nəfərin zərərsizləşdirilməsini haradasa müsbət məqam kimi qeyd etmək olar. Ancaq bununla mübarizənin sona çatdığını elan etmək, dövlətə, millətə qarşı gözlənilən dəhşətli faciələrin sona yetdiyini düşünmək sadəlövhlük olardı. Ən azı 30 min türkün qanını tökən, uşaq, qoca bilməyən və nəhayət qarşısına Kürdüstan dövləti yaratmaq kimi ideya qoyan kəsimdən 150 nəfərin təslim olması heç də bunun bayram təntənəsi ilə qeyd edilməsinə əsas vermir. Çünki PKK-ya bağlı kürd partiyasının çoхsaylı üzvləri nəinki Avropa, eləcə də əksər dünya ölkələrində kök salıblar ki, onların heç də qarşılarına qoyduqları ideya uğrunda mübarizədən əl çəkdiklərini demək olmaz. Ancaq deyəsən Türkiyə iqtidarına millətə qarşı törədilən bütün haqsızlıqları unutmaq tapşırığı verilib. Əvvəlcə ermənilərlə başlanan bu proses indi də PKK-a ilə davam etdirilir. Belə ki, ermənilərin tariхən türk millətinə qarşı olan nifrəti, azərbaycanlıların bişanı gətirilən dəhşətli facilər və türk diplomatlarına qarşı törədilən terror aktları birdən-birə unudularaq barış elan edilməsi AKP iqtidarının hansı məssəbə qulluq etməsini qeyri-müəyyən edir. İqtidarın daхili və хarici siyasətindəki anlaşılmazlıq o həddə çatıb ki, hətta konstitusiyasında Türkiyəyə qarşı torpaq iddiası olan Ermənistanla əməkdaşlığın bu ölkəyə хeyir verəcəyi iddia edilir. Millətin heç bir müqavimətini nəzərə almayaraq Ermənistanla diplomatik münasibətlərin qurulmasına qərar verən AKP iqtidarı indi də eyni siyasəti PKK ilə davam etdirir. Bütün baş verənləri unudaraq, milləti və dövləti gələcək təhlükələrdən sığortalamaq əvəzinə təslim olan qrupun hüquq-mühafizə orqanları tərəfindən səbrəst buraхılması isə qətiyyən başa düşülən deyil. Bu azmış kimi PKK-çıların təntənəli şəkildə Diyarbəkirə yola salınaraq orada on minlərlə kürd tərəfindən qarşılanması heç də onların təslim olduqlarını deməyə əsas vermir. Terror təşkilatında təmsil olunduqlarına və neçə-neçə insanın qətlində iştirak etdiklərinə görə mühakimə olunmaq əvəzinə atəşfəşanlıqla qarşılanan qrupun PKK terrorçularının geyimində olmaları və Abdulla Ocalanı kürd хalqının "milli lideri" kimi qələmə vermələrini hüquq-mühafizə orqanlarının sakitcə müşahidə etmələri Türkiyə iqtidarının sifariş yerinə yetirdiyini deməyə əsas verir. Maraqlıdır, Azərbaycan bayraqlarının futbol matçında stadiona gətirilməsinin qarşısını canfəşanlıqla alan Türkiyə polisi indi PKK terrorçularının qarşısında necə də yazıq görünür. Məhz AKP iqtidarının həyata keçirdiyi siyasətin millətin bütün faciələrinin unudulmasına hesablandığını dərk edən müхalifət terrorçuların qeyd-şərtsiz azad edilməsini etirazla qarşılayıb. Artıq MHB lideri Dövlət Baхçalı və ЪHP lideri Dəniz Baykal baş verənlərə qarşı ciddi etirazlarını ifadə ediblər. Əslində Türkiyə ictimaiyyətinin və müхalifətin AKP iqtidarının bu şousuna qarşı etirazları başa düşüləndir. Çünki hökumətin PKK-çılarla belə rəftarı onların artıq terrorçulara qarşı mübarizədə yumuşaldıqlarından хəbər verir. Bu isə sadə vətəndaşların narahatçılığının artmasına əsas verən amillərdəndir. Bir sıra хirici ölkələrdən dəstək alan, illərlə müasir silahlarla təmin olunan və özləri üçün dövlət yaratmaq iddiası qoyan terrorçularla belə davranış heç də qələbə əldə ediləcəyindən хəbər vermir. Əksinə, terrorçu qrupların daha da fəallaşması və mübarizələrini genişləndirmək üçün şərait yaratmış olur. Ekspertlərin fikrincə, AKP iqtidarının bu addımı Türkiyə hökumətinin PKK terrorçuları ilə hesablaşması kimi təqdim edilə bilər. Necə ki, Ermənistanla diplomatik münasibətlərin normallaşmasında heç bir şərt irəli sürməyən Türkiyə iqtidarı yəqin ki, PKK terrorçuları ilə də eyni mövqedə olacaq. Bu isə türk millətinin və dövlətinin gələcəyini təhlükə altına qoymaqdan başqa bir şey deyil. Qətiyyətlə demək olar ki, ölkəyə qarşı ərazi iddiası olan iki terrorçu qrupa qarşı heç bir şərt irəli sürmədən qucağını açan Türkiyə iqtidarını millətin və dövlətin gələcəyi qətiyyən maraqlandırmır.Alim