İranda dəhşətli terror; 60-dan çox ölən və yaralanan var

SON XƏBƏRLƏR

İranda dəhşətli terror; 60-dan çox ölən və yaralanan var

2021.10.20, 07:36

Gunaz.tv

Ölənlərdən bir neçəsi generaldır; Tehran Amerikadan şübhələnir

Qərb mediası hadisəni İranın “11sentyabrı” adlandırıb

İranın cənub-şərqində İslam İnqilabı Keşikçiləri Qvardiyasının rəhbərliyini hədəfə alan dəhşətli terror aktı baş verib. Türkiyə mediasının məlumatına görə, hadisə nəticəsində 20 nəfər həlak olub, 60 nəfər yaralanıb. Ölənlər arasında İnqilab Keşikçiləri Qvardiyasının Quru Qoşunları komandanının müavini, general Nur ƏIi Şüştari, Qvardiyanın Sistan-Bəlucistan üzrə komandanı, general Məhəmməd Zadə, İnqilab Keşikçiləri Qvardiyasının ölkənin cənub-şərq dairəsi üçün komandanı Rəcəbəli Məhəmmədzadə, qvardiyanın İranşəhr üzrə komandanı Əmir Əl Mömin, eləcə də digər ali rütbəli zabitlər var (lent.az). BBC isə xəbər verir ki, hələlik hadisəyə görə məsuliyyəti heç bir təşkilat öz üzərinə götürməyib. Rusiya mediasının məlumatında isə bildirilir ki, “Allahın elçiləri” terrorçu qruplaşmasının üzvü sünni və şiə icmalarının toplantı keçirdiyi zala daxil olaraq, özünü partladıb. AFP agentliyi bildirir ki, İran parlamenitinin sədri Əli Laricani generalların öldüyü barədə məlumatı təsdiqləyib. Hadisədə 60 nəfərdən çox adamın öldüyü və yaralandığı barədə İranın rəsmi İRNA agentliyi də xəbər yayıb. Qərb mediası bu gün səhər saatlarında baş vermiş hadisəni “İranın 11 sentyabrı” adlandırır və İran rəsmilərinin hadisədə ABŞ-ın əlinin olmasına eyham edən açıqlamalarına yer verir.

GUNAZ.TV

SON XƏBƏRLƏR