Təbrizdə 3 məhkum edam edilib

SON XƏBƏRLƏR

2024.04.29, 14:18

Təbrizin mərkəzi həbsxanasında 3 məhkum edam edilib.

Bu barədə insan haqları müdafiəçiləri məlumat yayıb.

Edam edilənlər narkotik maddələrin qaçaqmalçılığında günahlandırılıblar.

Məlumatda eyni ittihama görə, İsfahan və Günbəd Kavus şəhərlərində də 4 məhbusun dar ağacından asılaraq həyatlarına son qoyulduğu bildirilib.

Bununla yanaşı Bəndər Abbas şəhərində SEPAH üzvünü öldürməkdə günahlandırılan Raşid Bəluçi adlı məhkumun edam hökmü icra olunub.

Qeyd edək ki, 2013-cü ildən 2023-cü ilədək İranda 40-ı uşaq olmaqla, 4829 nəfər edam olunub.

2023-cü ildə isə İran həbsxanalarında 834 məhkum edam edilib və bu öncəki illə müqayisədə 43% çoxdur.