SON XƏBƏRLƏR

Ukraynada 3 mindən çox məhkum müharibədə iştirak üçün müraciət edib

2024.05.21, 15:41
Ukraynada 3 mindən çox məhkum müharibədə iştirak üçün müraciət edib

Üç min nəfərdən çox məhkum müharibədə iştirak etmək üçün şərti azadlığa buraxılması ilə bağlı müraciət edib.

Gunaz.tv

Bunu Ukraynanın ədliyyə nazirinin müavini Olena Vısotska deyib.

O bildirib ki, əvvəlki sorğularda bu göstərici 4,5 min nəfər olub. Nazir müavininin sözlərinə görə, ərizə-anketi dolduranların heç də hamısı orduya cəlb edilməyəcək:

“Əvvəlcə onlar müayinələrdən keçiriləcək. Əgər yoluxucu və təhlükəli xəstəliklər aşkarlansa belə, şəxslər səfərbərlikdən kənarda qalacaq. Bizə məlum olan rəqəmlər nisbidir, çünki müharibədə iştirak etmək istəyən məhkumların sayı daha çox ola bilər. Hazırda haqqında bəhs etdiyim bütün şəxslər müvafiq müayinələrdən keçir. Bundan sonra isə onlar məhkəmənin qərarı ilə şərti olaraq azadlığa buraxılır. Bu qəbildən olan şəxslər müqavilə bağlamaqdan imtina edirsə, onları 10 ilədək həbs cəzası gözləyir”.

Qeyd edək ki, məhkumların müharibədə iştirakına icazə verən sənəd mayın 8-də ikinci oxunuşda qəbul edilib. Ukrayna lideri Vladimir Zelenski həmin qanunu 17 may tarixində imzalayıb.

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar