SON XƏBƏRLƏR

İranlı sünnilər seçkiləri boykota çağırdılar

2024.06.21, 10:56
İranlı sünnilər seçkiləri boykota çağırdılar

İranda yaşayan sünnilərin nüfuzlu təşkilatlarından olan İran Sünnilərinin Milli Şurası İranda keçirilməsi planlaşdırılan prezident seçkilərini boykot etməyə çağırıb.

Gunaz.tv

Bu barədə şuranın yaydığı bəyanatda deyilib.

Bəyanat müəllifləri İranda həqiqi və xalqın iradəsinə əsaslanan seçkilərin keçirilmədiyinə diqqət çəkib, bunun hakimiyyətə legitimlik qazandırmaq üçün qurulan nümayiş olduğunu yazıblar.

Onlar Xüsusən sünnilərə qarşı tətbiq edilən ayrı-seçkililərə toxunub, seçkilərin onların vəziyyətinin dəyişdirilməsi üçün heç bir rol oynamadığını bildiriblər.

İran Sünniləri Milli Şurası İranda yaşayan sünni məzhəbli vətəndaşlara çağırışedərək seçki günü evlərində qalmalarını, rejimin legitimlik qazanmaq üçün qurduğu seçki nümayişində iştirak etməməyi istəyiblər.

Qeyd edək ki, İranda 14-cü dövr prezident seçkilərinin iyunun 28-də keçirilməsi planlaşdırılıb, seçkidə Keşikçilər Şurasının təsdiq etdiyi 6 namizəd iştirak edir.

GünazTV

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar