Contact Us

SON XƏBƏRLƏR

İranda tibb bacılarının etirazları davam edir

2024.08.24, 14:56
İranda tibb bacılarının etirazları davam edir

10 gün əvvəl İranın bir neçə şəhərində başlayan tibb bacılarının etiraz aksiyaları bu gündə davam edib.

Gunaz.tv

Bu barədə yerli sosial media fəalları məlumat yayıblar.

Bildirilib ki, ağır təhlükəsizlik tədbirlərinə baxmayaraq, bu gün səhər saatlarında Xürrəmabad və Babol şəhərlərinin tibb bacıları etiraz aksiyası keçiriblər.

Onlar "tibb bacısı olmasa sistem çökər", "vədə-vəid bəsdir, süfrələrimiz boşdur", "ləyaqətsiz məsul istefa, istefa" və başqa şüarlar səsləndiriblər.

Etirazçılar hüquqlarının pozulmasını əks etdirən şüarlar yazılmış plakatlar qaldırıblar.

Qeyd edək ki, bu günə kimi ölkənin 37 şəhərinin 60 xəstəxanasının on minlərlə tibb bacısı etiraz aksiyaları keçiriblər.

Onlar əmək haqlarının az olması, vaxtında ödənilməməsi, əlavbə iş saatlarına görə vəsait nəzərdə tutulmaması və qanunla nəzərdə tutulan başqa hüquqlarının təmin olunmamasından narazılıq edirlər.

Səhiyyə sisteminin nümayəndələri və məsul şəxsləri tibb bacılarının işi dayandırmalarının xəstəxanalarda problemlərin artmasına səbəb olduğu deyirlər.

Etirazların qarşısının alınması üçün təhlükəsizlik məmurları tibb bacılarına təhdid mesajları göndərir, onlardan aksiyalara qoşulmamağı tələb edirlər.

GünazTV

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar