Fransa seçicilərinin yarısı Makrona qarşı impiçmenti dəstəkləyir

SON XƏBƏRLƏR

Fransa seçicilərinin yarısı Makrona qarşı impiçmenti dəstəkləyir

2024.08.29, 11:10

Fransa seçicilərinin yarısı sol müxalifətin Emmanuel Makronu prezident səlahiyyətlərindən məhrum etmək üçün impiçment tələb edən qətnaməni parlamentə təqdim etmək niyyətini dəstəkləyir.

Gunaz.tv

Bunu BFMTV kanalının sifarişi ilə Elabe sosioloji xidmətinin keçirdiyi ictimai rəy sorğusunun nəticələri sübut edir.

Sorğuda iştirak edənlərin 49%-i “Tabe Olmayan Fransa” partiyasının Makronun impiçmentini tələb edən qətnaməni parlamentin Milli Assambleyasına (aşağı palatası) təqdim etmək niyyətini dəstəkləyib. Onların 50%-i isə bunun əleyhinə çıxıb.

Sorğu 27-28 avqust tarixlərində yaşı, cinsi, peşəsi, dini və yaşayış bölgəsi əsasında seçilmiş 18 yaşdan yuxarı min Fransa sakini arasında onlayn rejimdə aparılıb.

Solçu müxalifətin nümayəndələrinin dövlət başçısının impiçmenti üçün müraciət etmək istəyinin səbəbi, Makronun namizədliyi Yeni Xalq Cəbhəsi alyansı tərəfindən irəli sürülən iqtisadçı Lüsi Kasteni baş nazir postuna təyin etməməsidir.

Respondentlərin 63%-i növbədənkənar seçkilərdən 7 həftə keçməsinə baxmayaraq Fransada yeni hökumətin formalaşmamasında prezidenti və onun tərəfdarlarını günahlandırır.

74% iştirakçı isə əmindir ki, impiçment cəhdi istənilən nəticəyə gətirib çıxarmayacaq.

GUNAZ.TV

SON XƏBƏRLƏR