Azərbaycana gətirilən narkotik vasitələrin 95%-dən çoxu İrandan keçirilib

SON XƏBƏRLƏR

Azərbaycana gətirilən narkotik vasitələrin 95%-dən çoxu İrandan keçirilib

2024.10.16, 13:04

Azərbaycana xarici ölkə mənşəli narkotik vasitələrin təxminən 95%-dən çoxu İrandan ərazisindən qaçaqmalçılıq və digər qanunsuz yollarla gətirilib.

Gunaz.tv

Bu barədə Narkomanlığa və Narkotik Vasitələrin Qanunsuz Dövriyyəsinə qarşı Mübarizə üzrə Dövlət Komissiyası məlumat paylaşıb.

2024-cü ilin yanvar-sentyabr ayları ərzində narkomanlığa və narkotik vasitələrin, psixotrop maddələrin və onların prekursorlarının qanunsuz dövriyyəsinə qarşı mübarizənin nəticələri Dövlət Komissiyasının daimi fəaliyyət göstərən İşçi Qrupu tərəfindən müqayisəli şəkildə təhlil edilərək ümumiləşdirilmişdir.

Hüquq mühafizə orqanları tərəfindən narkomanlığa və narkotik vasitələrin qanunsuz dövriyyəsinə qarşı mübarizə sahəsində həyata keçirilmiş kompleks əməliyyat-axtarış tədbirləri nəticəsində ümumilikdə 7668 cinayət faktı aşkarlanmışdır. Onlardan 2402-si narkotik vasitələrin qanunsuz satışı, 5040-ı narkotik vasitələrin qanunsuz əldə edilib saxlanılması, 221-i narkotik tərkibli bitkilərin qanunsuz əkilib becərilməsi, 5-i isə digər cinayətlərlə bağlı olmuşdur.

Narkotiklərin qanunsuz dövriyyəsi ilə bağlı cinayət məsuliyyətinə 5781 nəfər cəlb edilmiş, onlardan 16-18 yaşadək-1 nəfər, 18-25 yaşadək 423 nəfər, 26-29 yaşadək 889 nəfər, 30 yaş və ondan yuxarı isə 4468 nəfər təşkil edir. Həmin şəxslərdən 5621-i kişi, 160-ı qadın olmuşdur.

Məsuliyyətə cəlb edilmiş 48 xarici ölkə vətəndaşından ümumilikdə 111 kq 047,894 qr müxtəlif növ narkotik vasitə və psixotrop maddə götürülmüşdür.

GünazTV

GUNAZ.TV

SON XƏBƏRLƏR