İran geri addım atmağa məcbur qalıb

SON XƏBƏRLƏR

İran geri addım atmağa məcbur qalıb

2024.11.29, 11:28

Donald Trampın Ağ Evə geri dönməsi və Hizbullahın zəifləməsi ilə İran geri addım atmağa məcbur qalıb.

Gunaz.tv

İran daxili və xarici çətinliklərlə üzləşdiyi bir dönəmdə ABŞ və İsrailə qarşı döyüşkən ritorikasını dəyişərək İsraildən "qisas almaq"dan imtina edir.

GünazTV xəbər verir ki, mövzu ilə bağlı "The New York Time" növbəti hesabatında məlumat paylaşıb.

Beş İran rəsmisi, onlardan biri İnqilab Keşikçiləri Qvardiyasının üzvü və ikisi keçmiş məmur, bildiriblər ki, İran xarici siyasətinin nəzərdən keçirməsinin əsas səbəbi Donald Trampdır. İlk prezidenlik dönəmində "İrana qarşı maksimum təzyiq" siyasəti yürüdən Donald Trampın yenidən hakimiyyətə gəlməsi İranı ciddi narahat edir və xarici siyasətini yenidən nəzərdən keçirməyə məcbur edir.

Trump rewrote foreign policy as president. If he wins in 2024, he wants to go further : NPR

İranın yeni xarici siyasət strategiyası ilə tanış olan İran rəsmiləri bildiriblər ki, xarici və daxili faktorlar İranı gərginliyi azaltmaq məcburiyyətinə salır. Qeyd edək ki, mövzu ilə bağlı açıqlama verən İran rəsmiləri açıq şəkildə danışmaq səlahiyyəti olmadığı üçün anonimlik tələb etdilər.

Onlar bildiriblər ki, İran Donald Trampın president seçilməsindən sonra İsrailə zərbə endirmək planlarını dayandırıb. İran anlayır ki, Donald Trampın yeni kabinet namizədləri artıq İrana düşmən münasibət bəsləyən və İsrailin sadiq tərəfdarları olan şəxslərdən formalaşır. İran gərginliyin daha da artmaması üçün bu addımı atır. Donald Trampın Yaxın Şərq və Ukraynada müharibələrə son qoymaq planlarını açıqlaması, İranın da maraqlarına cavab verir.

İranın xarici işlər naziri Abbas Əraqçi çərşənbə günü bildirib ki, İran Hizbullah və İsrail arasında barışığı alqışlayır: “Tehran İsrailin keçən ay İrana qarşı hava hücumlarına cavab vermək hüququnu saxlayır. Lakin biz, Livanda atəşkəs kimi regional hadisələri nəzərə alacaq.”

Iran says British ban on Hezbollah is 'irresponsible' | The Times of Israel

Bir sıra yüksək səviyyəli İran rəsmiləri İranın nüvə və regional məsələlərin həlli üçün Tramp administrasiyası ilə danışıqlara açıq olduğunu iddia edib. İran Donald Tramp-ın ilk prezidentlik dönəmində "Vaşinqtonla danışıqlara getməmək" və "regional siyasətin İran tərəfindən diqtə edilməsi" siyasətini yürütməyə çalışırdı. İddialar görə İran Donald Trampın ikinci prezidentlik dönəmində bu siyasətindən imtina edərək daha "yumuşaq" siyasət yürütmək planındadır.

İranın qeyri-şəffaf rejimi və fraksiyaların rəqabəti ilə dolu idarəçiliyi bəzən xarici auditoriyaya qarışıq mesajlara və kəskin daxili fikir ayrılıqlarına səbəb ola bilər. Lakin, unutmayaq ki, son sözü həmişə ali lider Ayətullah Əli Xamenei deyir.

GünazTV

GUNAZ.TV

SON XƏBƏRLƏR