Pezeşkian: Benzin bahalaşacaq

SON XƏBƏRLƏR

Pezeşkian: Benzin bahalaşacaq

2024.12.03, 11:59

İran prezidenti kimi fəaliyyətinin 100-cü günündə Məsud Pezeşkiyan iki iranlı radio aparıcısına müsahibəsində benzinin qiymətinin artırılması məsələsini dolayısı ilə təsdiqləyib.

Gunaz.tv

Bu müsahibədə moderatorun parlamentin 1404-cü ildə (2025 / 2026 illər) benzinin bahalaşmasına icazə verməyəcəyi ilə bağlı sualına cavab olaraq parlament növbəti ildə benzin idxalına heç bir valyuta ayırmayacağını elan etdi. Bu hesabla, valyuta ayırmayacağı təqdirdə, benzin də bahalaşacaq.

“Tələblərimiz istehsal gücümüzə uyğun gəlmir”, - deyə Pezeşkiyan bildirib. Benzinin idxalına valyuta ayrılmayanda hardansa kompensasiya edilməlidir. “Fakt budur ki, biz çox pis narazılıqlarla üzləşirik və bütün bu narazılıqlar böhrana çevrilə biləcək səviyyədədir”. O, ölkənin və insanların enerji sahəsindəki problemlərinə və onun çatışmazlığına toxunaraq əlavə edib: "Əsas mallara 15 milyard dollar ayrılmalı idi. Amma ümumi ayrılan məbləğ 12 milyard dollardır və bu proseslə bizdə büdcə kəsiri yaranacaq".

Məsud Pezeşkiyan “İffət və Hicab” adlanan qanunu da tənqid edib və bildirib ki, bunu həyata keçirmək mümkün deyil, cəmiyyət bunu qəbul etməyəcək və narazılıq yaradacaq. "Bizim bununla bağlı çoxlu müzakirələrimiz var". Cəmiyyətin konsensusunu pozan hər hansı addım atmamalıyıq və bu məsələni elə həyata keçirməliyik ki, hər şey məhv olmasın” deyə Pezeşkiyan əlavə edib.

İran prezidenti insanların dolanışıq problemlərinin mövcudluğunu etiraf edərək və hökumətin bu problemləri həll etməkdə acizliyini etiraf edib: “Biz təqaüdçülərin və tibb bacılarının tələblərini ödəməyə çalışırıq, amma reallıq budur ki, bu problemləri həll edə bilmirik. Çünki əlimizdə pul maliyyə imkanları yoxdur."

GünazTV

GUNAZ.TV

SON XƏBƏRLƏR