Contact Us

SON XƏBƏRLƏR

İranın hava hücumundan müdafiə sistemi məhv edilib - Britaniya admiralı

2024.12.05, 10:26
İranın hava hücumundan müdafiə sistemi məhv edilib - Britaniya admiralı

Oktyabrın 26-da İslam Respublikasının mövqelərinə cavab hücumunda İsrail İran hökumətinin demək olar ki, bütün hava hücumundan müdafiə sistemini məhv etdi və Tehran hökumətinin bir il ərzində ballistik raketlər istehsal etmək qabiliyyətini məhdudlaşdırdı.

Gunaz.tv

Bunu Britaniya Müdafiə Qərargah rəisi admiral ser Entoni Devid Redakin deyib.

“İsrail 100-dən çox təyyarədən istifadə etdi və hava hücumunun ilk dalğasında hədəfin yüz mil radiusuna girmədən demək olar ki, İranın bütün hava hücumundan müdafiə sistemini məhv etdi. İsrail bu hücumda F-35 gizli qırıcısının gücünü də göstərdi”,- o bildirib.

Müdafiə Qərargah rəisinin sözlərinə görə, İsrail bu hücumla Tehranı necə cavab verəcəyi ilə bağlı strateji çaşqınlıqla üz-üzə qoyub.

Qeyd edək ki, oktyabrın 26-da İsrail 100 təyyarədən istifadə edərək Tehran, Simnan, İlam və Xuzistan əyalətlərində İranın hava hücumundan müdafiə sistemləri də daxil olmaqla 20-dən çox hərbi mövqeyə dəqiq və məqsədyönlü hava zərbələri endirib.

İsrailin bu cavab hücumları İranın oktyabrın 1-də İsrailə raket hücumuna cavab olaraq həyata keçirilib.

İran hava hücumu nəticəsində 4 hərbçisinin öldüyünü açıqlasa da, qreyri-rəsmi məlumatlarda 20 hərbçinin öldüyü və 30 nəfərinin isə yaralandığı bildirilib.

GünazTV
 

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar