Əsəd Suriyadan necə qaçıb?

SON XƏBƏRLƏR

Əsəd Suriyadan necə qaçıb?

2024.12.16, 12:01

Suriyada 53 illik Əsəd və 61 illik Baas rejimi müxalif silahlı qrupların 12 günlük irəliləyişdən sonra paytaxt Dəməşqə nəzarəti ələ keçirməsi və Suriya prezidenti Bəşər Əsədin ölkəsini tərk etməsi ilə başa çatıb.

Gunaz.tv

Bəşər Əsədin Moskvaya sığındığı açıqlandı, bəs Əsəd rejimi çökərkən Əsədin qaçmaq planından xəbəri olan varmı? Reuters-in məlumatına görə, Əsəd demək olar ki, heç kimə güvənməyib və qaçış planını köməkçiləri, qohumları və rəsmilərindən gizli saxlayıb.

Moskvaya qaçmazdan bir neçə saat əvvəl Əsəd şənbə günü müdafiə nazirliyində 30-a yaxın ordu və təhlükəsizlik rəislərinin iştirakı ilə keçirilən görüşdə Rusiyanın hərbi dəstəyinin yolda olduğuna inandırıb və quru qüvvələrini müqavimətə çağırıb.

Əsəd şənbə günü mətbuat müşaviri Butaina Şabana zəng edərək evinə gəlməsini və onun üçün müraciət yazmasını istəyib. Müavin evə gələndə görüb ki, orada heç kim yoxdur.

Əsəd administrasiyasının son baş naziri Məhəmməd Cəlali 7 dekabr şənbə gecəsi saat 22.30-da Əsədlə son dəfə telefonla danışdığını bildirib.

"Son görüşümüzdə vəziyyətin nə qədər çətin olduğunu və Homsdan Latakiyaya böyük bir insan miqrasiyasının olduğunu söylədim... Küçələrdə çaxnaşma və terror olduğunu söylədim", - Cəlali açıqlamasında bildirib.

Əsədin Cəlaliyə cavabı “sabah görəcəyik” oldu. Bəşər Əsədin Cəlaliyə son sözünün “Sabah” olduğunu açıqladı.

Cəlali bazar günü sübh çağı Əsədə yenidən zəng etməyə çalışdığını, lakin heç bir cavab almadığını deyib. Saatlar sonra Əsədin ölkədən qaçdığı məlum olub.

Əsədin qaçmasından sonra prezident sarayına axın edən insanların sosial mediada paylaşdıqları videolarda Əsədin saraydan tələsik qaçdığı və ocaqda yeməklərin qaldığı görülüb.

Şahin Elxanoğlu

GUNAZ.TV

SON XƏBƏRLƏR