Bəşər Əsəd Rusiyaya qaçmazdan əvvəl bankları talayıb

SON XƏBƏRLƏR

Bəşər Əsəd Rusiyaya qaçmazdan əvvəl bankları talayıb

2024.12.19, 15:42

Suriyada banklar Əsədin ölkədən getməsindən 10 gün sonra açılıb. Banklara axın edən suriyalılar əməliyyat etmək istədikdə banklarda kifayət qədər vəsait olmadığını görüblər.

Gunaz.tv

GünazTV Türkiyə mediasına istinadən xəbər verir ki, Suriyada Bəşər Əsəd rejiminin devrilməsindən 10 gün keçir. Banklar açıldıqdan sonra Suriya xalqı filiallara axışıb və şoka düşüb.

Paytaxt Dəməşqin Yusuf Al-Azmeh meydanında bankların yerləşdiyi küçəyə toplaşan suriyalılar banklarda pul olmadığı üçün əməliyyat apara bilməyiblər.

Bankların qarşısındakı bankomatlarda növbəyə düzülən insanlar həm bankların, həm də bankomatların fəaliyyətə düşməsini gözləyirlər.

Bankomatda növbə gözləyən Məhəmməd Əl Həsən bildirib ki, "səhərdən növbə gözləyirəm. Deyirlər pul yoxdur."

Növbə gözləyən digər suriyəli, Fatma Əl Əhməd açıqlamasında deyib ki, “Bura pensiyamı almağa gəlmişəm. Pul olmadığı üçün bankomatlardan pul çıxara bilmirik. Heç 5 lirəmiz də qalmayıb. Biz nə edəcəyimizi bilmirik" dedi.

Bəşər Əsədin Rusiyaya qaçmazdan əvvəl dövlət bankları vasitəsilə xəzinəni boşaltdığı iddia edilib.

Şahin Elxanoğlu

GUNAZ.TV

SON XƏBƏRLƏR