Contact Us

SON XƏBƏRLƏR

Netanyahu: Biz bütün dünya adından İranın şər ittifaqının son qolu olan Husiləri vururuq

2024.12.20, 11:10
Netanyahu: Biz bütün dünya adından İranın şər ittifaqının son qolu olan Husiləri vururuq

İsrail ordusunun Yəməndəki husilərin mövqelərinə hücumlarından sonra Benyamin Netanyahu bildirib ki, İsrail bütün beynəlxalq ictimaiyyət adından İranın dəstəklədiyi bu milis qrupunu vurur.

Gunaz.tv

İsrail ordusu son sutka ərzində Yəməndə Husi milislərinə qarşı hücumlara başlayıb. Bu bağlı İsrailin Baş naziri Benyamin Netanyahu dekabrın 19-da verdiyi açıqlamada, İsrail Hərbi Hava Qüvvələrinin Husilərin Hudeyda limanındakı strateji hədəflərinə  hücumlarını təsdiqləyib.

Qeyd edək ki, İran hökumətinin dəstəklədiyi bu milis qrupunun qüvvələri dekabrın 18-i çərşənbə günü axşam saatlarında Ramat Qan şəhərindəki məktəbə hücum edib. İsrail mənbələrinin məlumatına görə, xəsarət alan olmasa da, çoxlu dağıntılar var.

Husilərin bu hərəkətinə cavab olaraq onlarla İsrail döyüş təyyarəsi cümə axşamı səhər erkən saatlarda Husilərin Hudeydə limanındakı mövqelərinə, eləcə də ilk dəfə olaraq Yəmənin paytaxtı Sənada husilərin mövqelərinə hücum edib.

Benyamin Netanyahunun sözlərinə görə, “Həmas, Hizbullah və Suriyada Əsəd rejimindən sonra Husilər İranın şər ittifaqının demək olar ki, sonuncu qoludur”.

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar