Contact Us

SON XƏBƏRLƏR

Bəşər Əsəd qaçarkən yanında kimlər olub?

2024.12.20, 14:26
Bəşər Əsəd qaçarkən yanında kimlər olub?

GünazTV Türkiyə mətbuatına istinadən xəbər verir ki, London mərkəzli “Al Majalla” nəşri Bəşər Əsədin son günlərinin təfərrüatlarını açıqlayıb.

Gunaz.tv

“Al Majalla”-ın məlumatına görə, Bəşər Əsəd Moskvaya getməzdən əvvəl Dəməşqdən Rusiyanın "Hmeymim" aviabazasına qaçıb. Bildirilib ki, Əsədin qardaşı Mahir və ən yaxın köməkçilərinə onun getməsi barədə heç bir məlumat verilməyib.

Dekabrın 7-də, Dəməşqin süqutundan bir gün əvvəl Əsədin media ofisi onun prezident sarayında çıxışı üçün nitq hazırladı. Məlumata görə, həmin gün Əsəd baş diplomatı da daxil olmaqla rəsmiləri vəziyyətin nəzarət altında olduğuna və “Rusiyanın dəstəyinin yolda olduğuna” əmin edib. Əsəd müşavirlərinə çıxışı bazar günü, dekabrın 8-də edəcəyini deyib.

Əsəd dekabrın 8-i səhər saatlarında özü ilə yalnız iki nəfəri götürərək qaçıb: Prezident İşləri Naziri Mənsur Əzzam və mühafizə bölməsinin rəisi briqada generalı Muhsin Məhəmməd. Bəşər Əsədin qaçarkən Mənsur Əzzamı özü ilə götürməsi maraqlı faktdır. Mənsur Əzzamın qardaşı Rusiyada tanınmış iş adamıdır. Mənsur Əzzam eyni zamanda Qərb ölkələrinin sanksiyası altındadır. Əzzam devrilmiş hökumətin naziri kimi Suriya rejiminin mülki əhaliyə qarşı amansız repressiyalarına görə məsuliyyəti bölüşür.

Əlavə olaraq qeyd edək ki, Bəşər Əsəd onun mühafizəsinə məsul olan general-mayor Fayez Cumaanı özü ilə götürməkdən xüsusilə imtina edib.

 

 

Şahin Elxanoğlu

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar