Contact Us

SON XƏBƏRLƏR

Türkiyədə zavodda partlayış nəticəsində 12 nəfər ölüb, 4 işçi yaralanıb

2024.12.24, 12:52
Türkiyədə zavodda partlayış nəticəsində 12 nəfər ölüb, 4 işçi yaralanıb

Balıkəsirdə Karesi rayonunda sursat istehsal edən fabrikdə baş verən partlayışda həyatını itirən və yaralananlar var.

Gunaz.tv

GünazTV Türkiyə mediasına istinadla xəbər verir ki, Balıkəsir valisi İsmail Ustaoğlu hadisənin saat 08:25-də baş verdiyini bildirdi. İsmail Ustaoğlu qeyd etdi ki, hadisə nəticəsində 12 nəfər ölüb, 4 işçi yaralanıb. Təxribat ehtimalı yoxdur.

Ustaoğlu bildirib ki, partlayış "ZSR partlayıcı istehsal" müəssisəsində baş verib. O, hadisənin fabrikin kapsul istehsalı bölməsində baş verdiyini, daha sonra isə binanın çökdüyünü bildirib. Partlayış zamanı fabrikdə neçə nəfərin olduğu məlum deyil.

Yanğınla əlaqədar əraziyə çoxlu yanğınsöndürmə briqadaları və təcili yardım maşınları göndərilib. Ədliyyə naziri Yılmaz Tunç Respublika Baş Prokurorluğu tərəfindən istintaq başladıldığını və baş prokuror müavininin koordinasiyası ilə 4 dövlət ittihamçısının təyin edildiyini açıqlayıb.

ZSR şirkəti mülki partlayıcı maddələr, eləcə də döyüş sursatları, ovçuluq və silah patronları istehsal edir.

Prezident Rəcəb Tayyib Ərdoğan partlayışda həyatını itirənlərin ailələrinə başsağlığı verib. Prezident Ərdoğan sosial media hesabından yayımladığı mesajda bu ifadələrə yer verib:

Balıkəsirdə Karesi rayonunda silah-sursat fabrikində baş verən partlayış nəticəsində 12 qardaşımızın həyatını itirməsi məni çox kədərləndirdi. Başda Balıkəsir valimiz olmaqla, bütün aidiyyatı qurumlardan partlayışla bağlı məlumat aldıq və dərhal bütün istiqamətləri üzrə lazımi araşdırmaya başlamaq üçün göstərişlər verdik.

Allahdan dünyasını dəyişən qardaşlarıma rəhmət, ailələrinə başsağlığı verir, yaralananlara isə tezliklə şəfa diləyirəm.

Balıkesir xalqına və millətimizə başsağlığı verirəm.

 

 

Balıkesir'de mühimmat üretimi yapan fabrikada patlama: 12 kişi hayatını kaybetti

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar