Contact Us

SON XƏBƏRLƏR

Bolnisidə azərbaycanlılar ayağa qalxdı: Gürcü xüsusi təyinatlıları Arıxlı kəndinə girdi

2024.12.31, 11:22
Bolnisidə azərbaycanlılar ayağa qalxdı: Gürcü xüsusi təyinatlıları Arıxlı kəndinə girdi

Gürcüstanda əsasən azərbaycanlıların yaşadığı Qəmərli (Bolnisi) və Sarvan (Marneuli) rayonlarının arasındakı yolda bədbəxt hadisə baş verib. Belə ki, Bolnisi ərazisinə düşən Arıxlı kəndində iki yeniyetməni avtomobilin vurması nəticəsində iğtişaş baş verib.

Gunaz.tv

GünazTV Musavat.com-a istinadla xəbər verir ki, 15 yaşlı yeniyetmə hadisə yerindəcə dünyasını dəyişib. Digər yeniyetmə isə ağır vəziyyətdə xəstəxanaya çatdırılsa da, həkimlər onun həyatını xilas edə bilməyiblər. Qəzadan sonra vəziyyət daha da pisləşib, çünki sürücünün Azərbaycanlı əhalinin ünvanına təhqiramiz ifadələr işlətməsi kənddə qəzəb və etiraza səbəb olub.

Yerli əhali bildirir ki, qəzanı törədən sürücü Azərbaycanlı sakinləri təhqir edərək vəziyyəti daha da gərginləşdirib. Bu, kənd sakinlərinin etirazına səbəb olub və nəticədə kənddə gərginlik artıb. Arıxlı kəndində xüsusi təyinatlı polis qüvvələri yerləşdirilib.

Azərbaycanlı jurnalistə danışan kənd sakinləri baş verən hadisəni və etirazlarının səbəbini açıqlayıblar. Onlar qeyd edirlər ki, iki gəncin qanının yerdə qalmasını istəmirlər və ədalətin təmin olunmasını tələb edirlər. Kənd əhalisi həmçinin vurğulayıb ki, sürücünün təhqiramiz davranışı onların qəzəbini artırıb və bu səbəbdən də hadisəyə kəskin reaksiya göstəriblər. 

Yerli sakinlər, həyatını itirən gənclərin, yaralanan digər sakinlərin ailələri və yaralananların yaxınları ədalət tələb edir. Kənd əhalisi sürücünün məsuliyyətə cəlb olunmasını və qanunun tam şəkildə tətbiq edilməsini istəyir.

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar