Contact Us

SON XƏBƏRLƏR

Əhər-Təbriz yolunda ağır qəza: 3 nəfər həyatını itirdi

2026.05.31, 13:53
Əhər-Təbriz yolunda ağır qəza: 3 nəfər həyatını itirdi

Gunaz.tv

Şərqi Azərbaycan Təcili Yardım Xidmətinin sözçüsü Vəhid Şadinia bildirib ki, “Əhər-Təbriz magistralında “IKCO Runna” markalı avtomobilin aşması nəticəsində 3 nəfər həlak olub, 1 nəfər isə xəsarət alıb.”

Şərqi Azərbaycan Təcili Yardım Xidmətinin sözçüsünün sözlərinə görə, hadisə bu gün, iyunun 10-da səhər saat 06:21-də Əhər-Təbriz yolunda baş verib.

Şadinia əlavə edib: “Bu qəza nəticəsində yaşı 50-55 arasında olan iki qadın və 60 yaşlı bir kişi həyatını itirib.” O həmçinin bildirib ki, “45 yaşlı bir kişi isə xəsarət alaraq Əhərin Baqirül-Ulum xəstəxanasına çatdırılıb.”

O əlavə edib: “Hadisənin başvermə səbəbi aidiyyəti qurumlar tərəfindən araşdırılır.”

Qeyd edək ki, Güney Azərbaycanın yollarında təhlükəsizlik səviyyəsinin aşağı olması, eləcə də İranda istehsal olunan avtomobillərin standartlara cavab verməməsi bölgədə yol-nəqliyyat hadisələrinin artmasının və vətəndaşların həyatını itirməsinin əsas səbəblərindən biri hesab olunur.

 

GünAz TV
R.G

Açar Sözlər :

SEÇİLMİŞ XƏBƏRLƏR

Çox oxunanlar