Contact Us

SON XƏBƏRLƏR

Kürdüstan əyalətinin yerli türk sakini olan bir ananın vali ilə söhbəti: Əyalətin bəzi hissələri tarixi türk və Azərbaycan əraziləridir - VİDEO

2026.08.29, 11:02
Kürdüstan əyalətinin yerli türk sakini olan bir ananın vali ilə söhbəti: Əyalətin bəzi hissələri tarixi türk və Azərbaycan əraziləridir - VİDEO

Kürdüstan əyalətinin Bicar şəhərinin Yasukənd (Yasti Kənd) şəhərində yaşlı bir türk ananın Kürdüstan valisi Arəş Zəhrətan Ləhuni ilə söhbətinin videosu sosial şəbəkələrdə yayılıb və geniş əks-səda doğurub.

Gunaz.tv

Kadrlarda vali qadını gördükdən sonra avtomobildən düşür, onun yanında dayanaraq sözlərini dinləyir. Türk ana problemini çatdırmaq üçün valinin yanına gəlib və Ləhuni də köməkçilərindən onun müraciətini araşdırıb məsələnin ardınca düşmələrini istəyib.

Videonun yayılması rəsmi narrativlərdə daha az əks olunan bir reallığı bir daha gündəmə gətirib: Kürdüstan əyalətinin şərq və şimal-şərq hissələrinin geniş əraziləri tarixən türklərin yaşadığı bölgələrdir. Bicar və Qurvə rayonları, tarixi Gürus bölgəsi, Divandərənin bəzi hissələri, Səqqizin şimalı və bu ərazilərdəki çoxsaylı kəndlər türklərin yaşadığı bölgələrdir.

Bu ərazilərin inzibati baxımdan Kürdüstan əyalətinin tərkibinə daxil edilməsi burada yaşayan türk və azərbaycanlıların tarixi, dil və milli kimliyini aradan qaldırmır. Rəsmi milli-etnik statistikanın olmamasına baxmayaraq, bəzi hesablamalarda bu əyalətdə türklərin əhalinin təxminən 30 faizini təşkil etdiyi bildirilir.

 

Ş.A

Açar Sözlər :

SEÇİLMİŞ XƏBƏRLƏR

Çox oxunanlar