Tahir Abbaslı: ”İranın məqsədi Azərbaycanı bir dövlət kimi çökdürməkdir”- Müsahibə

SON XƏBƏRLƏR

Tahir Abbaslı: ”İranın məqsədi Azərbaycanı bir dövlət kimi çökdürməkdir”- Müsahibə

2021.10.20, 07:36

Gunaz.tv

GünAz TV mətbuat mərkəzinin növbəti müsahibi, Azərbaycan İslam Demokrat partiyasının sədri Tahir Abbaslıdır.

- Tahir bəy, bu günlərdə İranın Qum şəhərində İslam ölkələrindən olan tələbə və ruhanilərin iştirakı ilə “Azərbaycan Respublikasında (cümhuriyyətində) İslami oyanışa dayaq və islamofobiya siyasətlərinin məhkum edilməsi” adlı konfrans keçirilib. Sizcə, bu konfrans hansı məqsədlərə xidmət edir?

- İranın Qum şəhərində İslam ölkələrindən olan tələbə və ruhanilərin iştirakı ilə “Azərbaycan Respublikasında İslami oyanışa dayaq və islamofobiya siyasətlərinin məhkum edilməsi” adlı konfransı keçirməklə rejim məsullarının əsas məqsədi Azərbaycanda İslam problemlərini yaradıb, ölkəni qarışdırmaqdır. Halbuki, özləri başdan ayağa çirkab içərisindədirlər və onların bu məsələdə danışmağa, söz deməyə mənəvi haqları çatmır.

Bəli, Azərbaycanda problem var, ancaq bu onların anlayacağı səviyyədə olan problem deyil. İran müqəddəs İslam dinini bəhanə edərək bizim dövlətçiliyimizə qarşı planlar (təhrlər) hazırlayır, iç işlərimizə qarışmağa çalışırlar.

Azərbaycan müsəlman ölkəsidir. Ancaq bizim İslamiyyət anlayışımız İran molla diktatorluğu tərəfindən müəyyən edilmir. Biz bir millət olaraq yüzillərdir ki, ruhumuz İslamının müqəddəs əxlaqi dəyərləri ilə tanışdır və onu qoruyub saxlayıb. İslam əxlaqi bizim ruhumuzun bir parçasıdır. Ancaq bunu Qumda Azərbaycanla bağlı xoş olmayan niyyətlərlə konfranslar təşkil edən kapitalist mollaları anlaya bilməzlər.

Onların əlində ölkənin sərmayəsi var. Haram gəlirlərlə yaşayan bir insan, necə islam əxlaqından danışa bilər. Heç bir İslami əxlaq İran molla dünyagörüşünə Azərbaycanla bağlı hansısa hökm çıxarmağa izn vermir.

- Ümumiyyətlə, İranın dini rəhbərliyi Azərbaycandan nə istəyirlər?

- İran məsullarının əsas qorxusu Azərbaycanın bir dövlət kimi müstəqilliyinin varlığıdır. Bu, İranı çox narahat edir ki, Azərbaycan müstəqilliyini qoruyub saxlayır və insanları islam dininə etiqad etməklə, öz milli dəyərlərini hörmət edirlər. İran, hər zaman müstəqil Azərbaycan məfkürəsindən qorxub və bunu özünə milli təhlükə olaraq görür. Bu gün İran Azərbaycan özünü dost kimi təqdim etsə belə, onu bilməliyik ki, İranın məqsədi Azərbaycanı bir dövlət kimi çökdürməkdir.

Söhbətləşdi: Elnur Eltürk

GUNAZ.TV

SON XƏBƏRLƏR