Contact Us

SON XƏBƏRLƏR

Haşimi Rəfsəncani Xameneiyə qarşı çıxıb

2021.10.20, 07:36
Haşimi Rəfsəncani Xameneiyə qarşı çıxıb

Gunaz.tv

GünAz TV: Keçmiş prezident və Qurumun Mənafeyini Müəyyənləşdirən Cəmiyyətin sədri Əkbər Haşimi Rəfsəncani ali dini rəhbərin siyasi sistemin dəyişməsinə dair fikirlərinə münasibət bildirib.

 

GünAz TV: Keçmiş prezident və Qurumun Mənafeyini Müəyyənləşdirən Cəmiyyətin sədri Əkbər Haşimi Rəfsəncani ali dini rəhbərin siyasi sistemin dəyişməsinə dair fikirlərinə münasibət bildirərək bəyan edib ki, parlament üsul-idarəsinə keçilməsi cümhuriyyətin əsasına dəyişiklik etməkdir və bu qanuna ziddir.

Belə siyasət xalqın seçmək gücünü zəiflədir. O, bildirib ki, rəhbər öz çıxışında bunu nəzərə almayıb. Həmçinin, Rəfsancani bildirib ki, “İran islamiyyət və cümhuriyyət şərtləri əsasında idarə olunur. Bu iki əsas şərt dəyişilməzdir. Bu səbəbdən Rəhbər bu məsələnin müzakirəsini gələcək perspektivdə (çeşməndaz) olmasını məsləhət görərkən əslində bunun üçün konstitusiyada (Anayasa) dəyişikliklərin olması məsələsini nəzərə alıb. Çünki indiki konstitusiya ilə bu fikirlər üst-üstə düşmür. Dəyişikliklər bardə təkliflər isə sistemin cümhuriyyət prinsipinə (ilkəsinə, əslinə) uyğun gəlmir. Əgər belə bir dəyişiklik olsa, o zaman sistemin cumhuriyyət şərti pozular, bu isə konstitusiyaya ziddir”.

Rəfsəncaninin saytı bu barədə məlumat verərək bildirib ki, Haşimi Rəfsəncani oktyabrin (October) 24-də bir grup jurnalistlə görüşü zamanı onların müxtəlif suallarını cavablandırsa da, siyasi məsələlər və fikir ayrılıqları ilə bağlı suallara cavab verməyib və bu davranışını indiki şəraitdə inqilabın və islam respublikasının (cümhuriyyət) davamı uçun daha məsləhətli hesab edib. Ancaq sayt Rəfsəncaninin bu suallara cavab vermə haqqını özündə saxladığını da vurğulayıb.

 

Xatırladaq ki, Xamenei ötən həftə bildirmişdir ki, indiki şəraitdə ölkənin siyasi sistemi xalqın bir başa prezident seçməsi və prezidentlik üsul-idarəsinə əsaslanmaqdadır. Amma bu sistemin parlament üsul-idarəsi sistemi ilə dəyişdirilməsi uzaq gələcəkdə mümkündür. Dini lider həmçinin bildirmişdir ki, əgər gələcəkdə hiss olunsa ki parlament sistemi daha münasibdir o, belə bir dəyişikliyin olması ilə razılaşacaqdır.

 

Dah sonra isə İran parlamentinin spikeri (sədri) Əli Laricani dini rəhbərin fikirlərini alqışlayıb və bildirib ki, parlament sistemində qanunverici və icraedici orqanlar daha geniş əməkdaşlıq etmək imkanlarına malikdir. O, qeyd edib ki, prezident ali dini rəhbər kimi millətin vəkilləri tərəfindən parlamentdə seçilə bilər. Laricani əlavə edib ki, belə olan halda parlament prezidentlə daha sıx əməkdaşlıq edə bilər. Araztm

SEÇİLMİŞ XƏBƏRLƏR

Çox oxunanlar