İranın Azərbaycana qarşı hədələrinin arxasında nə dayanır?

SON XƏBƏRLƏR

İranın Azərbaycana qarşı hədələrinin arxasında nə dayanır?

2021.10.20, 07:36

Gunaz.tv

GünAz TV: “Atlas” Araşdırmalar Mərkəzinin rəhbəri Elxan Şahinoğlu bildirib ki, İran hazırda Azərbaycana Qərbin diqqətinin artmasından ciddi narahtdır.

İran tərəfindən Azərbaycana qarşı növbəti hədə dolu bəyanat səslənib. Söhbət İranın Ali Ruhani Məclisinin üzvü, Ayətullahül-üzma Nasir Məkarim Şirazinin cümə axşamı keçirdiyi xütbəsində Azərbaycan hökumətinin ünvanına səsləndirdiyi açıqlamadan gedir. O, Azərbaycanda islamofobiya hallarının artdığını əsas gətirərək, dövlət rəsmilərinə xəbərdarlıq edib və bildirib ki, Azərbaycan rəsmiləri region (bölgə) hadisələrindən ibrət almalıdır. Əks halda, Azərbaycanın imanlı xalqı bu vəziyyətin davam etməsinə icazə verməyəcək. Bir müddət əvvəl İranlı general da analoji hədə dolu bəyanat səsləndirmişdi. Artıq bu, İranın Azərbaycana qarşı neçənci hədə dolu mesajıdır. Bəs bu yanaşma nədən qaynaqlanır?

“Atlas” Araşdırmalar Mərkəzinin rəhbəri Elxan Şahinoğlunun sözlərinə görə, İran tərəfindən səslənən təkliflərə iki ölkə arasındakı münasibətlərin kontekstində (zəminində) yanaşmaq lazımdır. Həm İran, həm də Azərbaycanın dövlət başçısının bəyanatlarında ölkələr arasında heç bir problemin olmadığını bildirdiklərini deyən E.Şahinoğlu vurğuladı ki, reallıqda isə münasibətlərin kifayət qədər gərgin olduğu ortaya çıxır: “Dövlət rəsmilərinin səsləndirdikləri açıqlamalar, iki dövlət arasındakı nota (rəsmi etiraz) alış-verişi münasibətlərin heç də ürəkaçan olmadığını ortaya qoyur. Ötən müddət ərzində Azərbaycanın İrana verdiyi notaya Tehranın cavabı heç mətbuata açıqlanmadı. Bundan başqa, İran tərəfi sərhədçisinin öldürülməsi ilə bağlı yenidən Azərbaycana nota verib. Ümumiyyətlə, iki dövlət arasındakı münasibətləri daha çox gərginləşdirən İran rəsmilərinin, deputatlarının (millət vəkillərinin) vaxtaşırı (mütənavib) Azərbaycana qarşı sərt fikirləridir”.

İranın hazırda Azərbaycana Qərbin diqqətinin artmasından ciddi narahatlıq keçirdiyini deyən E.Şahinoğlu vurğuladı ki, NABUCCO, Transxəzər layihələrinin hazırda gündəmdə olması Tehranı qıcıqlandırır: “Elə həm NABUCCO-nun, həm də Transxəzər layihəsinin reallaşmasına qarşı çıxan iki dövlətdən biri İrandır. İran bu tip layihələrin bütün Xəzəryanı dövlətlərin razılığı ilə reallaşmasını istəyir. Bir sözlə, İran Azərbaycanın Qərblə yaxınlaşmasından və əməkdaşlığı dərinləşdirməsindən narahatlıq keçirir”.

GUNAZ.TV

SON XƏBƏRLƏR