Xamneyinin nümayəndəsindən isfahanlı əkinçilərə gülünc tövsiyə: “Gedin yağış namazı qılın”

SON XƏBƏRLƏR

Xamneyinin nümayəndəsindən isfahanlı əkinçilərə gülünc tövsiyə: “Gedin yağış namazı qılın”

2021.11.27, 11:19

Gunaz.tv

İran lideri Əli Xamneyinin bu şəhərdəki nümayəndəsi olan Əhməd Ələmülhüda öz çıxışında İsfahanın yoxsul və zəhmətkeş əkinçilərini Allah qarşısında toplaşmaqda və ona etiraz bildirməkdə günahlandırıb.

Əhməd Ələmülhüda susuzluqdan həyatları məhvə doğru gedən və fəlakətlə üz-üzə qalan dinc etirazçılara gülünc bir tövsiyə edib.

“Bu gün ölkənin bütün əyalətlərində su problemimiz var. Bu yalnız İsfahan, Çahar Mahal və Bəxtiyarı, eləcə də Yəzd əyalətlərinə məxsus olan problem deyil. Bu çətinlik bütün əyalətlərdə yaşanır.

Bu problemin əsas hissəsi də yağıntıların həcminin azalması ilə əlaqədardır. Həm də su çatışmazlığı təkcə bizim ölkəyə məxsus deyil, digər ölkələr də belə bir problemlə üz-üzə qalıblar. Bu isə dünyadakı iqlim dəyişikliyi ilə əlaqədardır.

Yağıntılar az olduğu bir vaxtda müşkül Allah qarşısında toplaşmaq və etiraz bildirməklə həll olunmur. Problem namaz sıralarında toplaşmaqla öz həllini tapa bilər.

Daha doğrusu, Allah qarşısında toplaşmağın və etiraz bildirməyin xeyri və faydası yoxdur.

Problemin həll olunmasını istəyirsinizsə gedin yağış namazı sıralarında toplaşın və Allahdan yağış göndərməsini tələb edin”, -deyə Məşhədin cümə imamı, İran lideri Əli Xamneyinin bu şəhərdəki nümayəndəsi axund Əhməd Ələmülhüda bildirib.

Qeyd edək ki, İrandakı digər axundlar kimi işləmədən ömür boyu sadə və dindar kənd camaatının və əkinçilərin verdiyi “Xums” və “Zəkat” la bəslənən və onların pulu ilə öz qarın və boynunu yoğunladan, hazırda isə milyardlara sahib olan axund Əhməd Ələmülhüda öz çıxışında nəinki əkinçilərə qarşı repressiyaları pisləməyib, əksinə hakimiyyətə qarşı dinc etiraz bildirən əkinçiləri qınayıb.

A.M

GUNAZ.TV

SON XƏBƏRLƏR