Bəşar Əsədin 5 gün vaxtı qaldıGünazTV: Aprelin 10-na qədər Əsəd rejimi “Annan planı”nı yerinə yetirməyə söz veribSuriya iqtidarı atəşkəs təklifinə müsbət cavab verib. Amma BMT və Ərəb Birliyinin Suriya üzrə xüsusi nümayəndəsi Kofi Annan atəşkəs istiqamətində irəliləyiş olmadığını bildirib. Annan 10 aprelin atəşkəs üçün son tarix olmasını təklif edib. Suriyanın BMT-dəki nümayəndəsi Bəşar Cəfəri 10 aprelin son tarix olması təklifini qəbul edib, ancaq müxalifətin də eyni öhdəliyi götürməsini istəyib. Kofi Annanın sözçüsü Əhməd Fevzi Dəməşq hökumətinin 10 aprelə qədər şəhərlərdən əsgərlərini çəkməklə bağlı vəd verdiyini deyib .Dəməşq 6 maddəlik «Annan planını» yerinə yetirəcəyinə söz verib. Bundan başqa xüsusi təmsilçi münaqişə edən tərəflər arasında planın icrasını yoxlamaq üçün müşahidə missiyasının yaradılması haqda da düşünməyi təklif edib. Xatırladaq ki, mart ayında rəsmi Dəməşq 6 maddəlik bu plana razılığını verib. Həmin sənəddə tərəflərin eyni zamanda atəşkəsə əməl etməsi, siyasi dialoqa başlaması da nəzərdə tutulub. Ancaq indiyə kimi tərəflər bu planın heç bir maddəsinə əməl etməyib. Türkiyədə keçirilən «Suriyanın dostları» toplantısının nəticələri də bu qənaətə gəlməyə əsas verir.Nəzərə almaq lazımdır ki, beynəlxalq ictimaiyyət artıq üsyançıları rəsmi şəkildə tanıyır.

İrəvanda səfər olan Rusiyanın xarici işlər naziri Sergey Lavrov da Suriyadakı vəziyyətdən danışıb.

O, ölkə prezidenti Bəşər Əsədin islahatını «gecikmiş və yarmıçıq» adlandıraraq. Bu yöndə rəsmi Dəməşqin gördüyü işləri də nəzərdən qaçırmamağın vacibliyini söyləyib: «Bəşər Əsəd hakimiyyətinin islahatı gecikdirməsi aşkar görünür. Ancaq islahatların təsir etdiyi faktına göz yummaq doğru deyil. Bu prosesin yarımçıq qalması, davam etməməsi başqa məsələdir».Düzdür, Türkiyədəki görüşdə Lavorv iştirak etməsə də, İrəvandakı bu çıxışı ilə artıq Bəşər Əsəd hakimiyyətinin sonun gəldiyini dolayı da olsa, etiraf edib. Beləliklə, Suriya prezidenti Bəşər Əsədin yola gəlməsi üçün daha bir həftə möhləti var.Türkiyənin xarici işlər naziri Əhməd Davudoğlu isə Suriyadakı gərginliyin bütün qonşularına təsir edə biləcəyini söyləyib. “Euronews” kanalına açıqlama verən Davudoğlu Suriyada böhranın uzanmasının yalnız Türkiyəni deyil, bütün bölgəni çətin vəziyyətdə qoyacağını bildirib.

Nazir Suriyanın kritik geopolitik mövqeyə sahib olduğunu vurğulayıb: “Suriya qonşu ölkələrin hamısıyla əlaqədədir. Son dərəcə mühüm bir qonşumuzdur. Burada daha böyük gərginlik bütün qonşulara təsir etmək potensialına malikdir. Yəni bu məsələni zamanın öhdəsinə buraxmaq, “bir az da gözləyək, görək nə olur” demək doğru deyil.

Beynəlxalq birliyin bunun daha böyük bir qeyri-sabitlik mənbəyi olduğunu bilməsi və bunun qarşısını alması üçün hərəkətə keçməsi vacibdir”.

S.B