Contact Us

SON XƏBƏRLƏR

Əsəd yenə söz verdi

2021.10.20, 07:36
Əsəd yenə söz verdi

Gunaz.tv

GünAz TV: Suriya prezidenti aprelin 10-dək ordu qüvvələrinin şəhərlərdən geri çəkəcəyini açıqlayıb.

Suriyada hökumət əlehyinə aksiyaların (yürüşlərin) və müxalifətə qarşı əməliyyatların davam etdiyi bir vaxtda prezident bəşər əsəd BMT (Birləşmiş Millətlər Təşkilatı) və Ərəb Liqasının (Birliyinin)  xüsusi nümayəndəsi Kofi Annanın 6 maddəlik sülh planı çərçivəisndə aprelin 10-dək şəhərlərdən ordu qüvvələrini geri çəkəcəyini bildirib. Bu barədə BMT-də çıxışı zamanı ABŞ-nın (Amerika Birləşmiş Ştatları) qurumdakı daimi nümayəndəsi Syuzan Rays məlumat verib. Bağlı qapılar arxasında keçirilən toplantıdan sonrakı açıqlamasında Syuzan Rays deyib ki, Suriya xarici işlər nazirliyi bir neçə saat əvvəl BMT və Ərəb Liqasının xüsusi nümayəndəsi Kofi Annana göndəridyi məktubda Bəşər Əsədin bu qərarını elan edib. Annan planı ordu qüvvələrinin bu tarixdən əvvəl geri çəkilməisni nəzərdə tutsa da, Syuzan Raysın sözlərinə görə, bu qərar belə sülhün bərpası istiqamətində irəliləyişdir. Syuzan Rays köməkçisinin Suriyalı müxalifətçilərlə əlaqə yaradaraq fəaliyyətlərini dayandırmaları barədə razılıq aldığını da diqqətə çatdırıb. Kofi Annan isə Suriya ilə bağlı sülh planı çərçivəsində münaqişə tərəflərinin üzərinə 48 saat ərzində silahı yerə qoyaraq atəşkəs elan etməklə bağlı öhdəlik qoyulmasını təklif edib. Annan BMT təhlükəsizlik şurasından imkan daxilində Suriyaya müşahidəçi missiyası göndərməyi də istəyib. İrəvanda səfərdə olan Rusiya xarici işlər naziri Sergey Lavrov isə Suriyada Liviya ssenarisinin təkrarlanmasının əleyhinə olduqlarını növbəti dəfə bəyan edib. Rusiya xarici siyasət idarəsinin rəhbəri məhz bu səbəbdən də suriya rəhbərliiyndən təcili olaraq əsgərləri şəhərlərdən geri çəkməyi istəyib. Atəşkəsin bərpasında Suriya hökuməti ilə yanaşı müxalifətçilər də iştirak ertməlidir. Onun sözlərinə görə, Suriyada münaqişənin həlli üçün hər iki tərəfin təşəbbüsü vacibdir. Ultimatumlar və sərt bəyanatlarla vəziyyətdən nadir hallarda çıxış yolu tapıla bilir. Nato-nun baş katibi Andres foq Rasmussen isə Suriyalı müxalifətçiləri silahlandırmağın əleyhinə çıxış edib. Şimali Atlantik Alyansın (NATO) rəhbəri deyib ki, müxalifətçilərə silah göndərilməsi bölgəldə daha təhlükəli vəziyyət yarada bilər. Suriyada münaqişənin həlli üçün tərəflərlə danışıqlar aparılmalı və demokoratiyaya keçid prosesi başlamalıdır. Bu çərçivədə beynəlxalq ictimaiyyət təzyiqləri də gözlənilən nəticəni verə bilər. N.S

SEÇİLMİŞ XƏBƏRLƏR

Çox oxunanlar