Contact Us

SON XƏBƏRLƏR

Mossad İrana xəbərdarlıq etdi: "Təhdidlərə görə qısas alınacaq"

2023.09.11, 11:00
Mossad İrana xəbərdarlıq etdi: "Təhdidlərə görə qısas alınacaq"

Mossad-ın rəhbəri David Barnia deyib ki, İsrail Tehran hökumətinin hücum və təhdidlərindən qorunmaq üçün lazım gələrsə, İranın daxilində ən yüksək vəzifəli şəxslərdən qısas ala bilər.

Gunaz.tv

O, bu barədə sentyabrın 10-da Herzliyadakı Reyxman Universitetində terrorizmlə mübarizə üzrə beynəlxalq konfransda çıxışı zamanı deyib.

"Bu ilin əvvəlindən İsrailin Kəşfiyyat və Xüsusi Əməliyyatlar Təşkilatı və digər kəşfiyyat qurumları dünyanın demək olar ki, bütün qitələrində İran hökumətinin israillilərə qarşı 27 terror planının qarşısını alıb",- Barniya bildirib.

Barniya, həmçinin qeyd edib ki, İsrail qurumları Rusiya və İran arasında Tehranın daha qabaqcıl silahlar əldə etməsinə səbəb ola biləcək silah müqavilələrinin qarşısını alıblar.

"Biz bilirik ki, iranlılar Rusiyaya yaxın və uzaq mənzilli raketlər satmağı planlaşdırırdılar, lakin bu sövdələşmənin qarşısı alınıb. Mən hiss edirəm ki, tezliklə daha çox sövdələşmələr ləğv olacaq",- Mossad rəhbəri vurğulayıb.

O, çıxışında Tanzaniya və Kiprdə İran hökumətinin terrorçularının Mossad qüvvələri tərəfindən dindirilməsini əks etdirən şəkil və videoları nümayiş etdirib. 

Barniya həmçinin İranın Gürcüstan, Yunanıstan və Almaniya kimi ölkələrdə terror fəaliyyətinə toxunub.

"İran heç vaxt nüvə silahı əldə etməyəcək", - deyən Barniya əlavə edib ki, dünya bir terrorçu rejimin nüvə silahına sahib olması təhlükəsini anlamalıdır.

Mossad rəhbəri həmçinin amerikalı və iranlı girovların azad edilməsi müqabilində ABŞ tərəfindən bloklanmış İran pullarının sərbəst buraxılmasını pisləyib və bildirib ki, İran ilə Səudiyyə Ərəbistanı arasındakı razılaşma müvəqqətidir və yenidən düşmənçilik münasibətlərinə geri qayıdacaqlar.

Timur

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar