Contact Us

SON XƏBƏRLƏR

"Delimitasiyanın Ermənistanın iddia etdiyi xəritə əsasında aparılması heç bir məntiqə sığmır"

2023.10.11, 14:47
"Delimitasiyanın Ermənistanın iddia etdiyi xəritə əsasında aparılması heç bir məntiqə sığmır"

"Delimitasiyanın Ermənistanın iddia etdiyi xəritə əsasında aparılması heç bir məntiqə sığmır". Bu barədə Azərbaycan Xarici İşlər Nazirliyinin Ermənistanın baş naziri Nikol Paşinyanın Birinci Kanala müsahibəsi zamanı səsləndirdiyi iddialara dair şərhində bildirilib.

Gunaz.tv

Qeyd olunub ki, ərazi bütövlüyünə hörmətin və delimitasiyanın hər hansı bir kvadrat kilometr ilə ölçülməsi və ya hər iki tərəfdən indiyə qədər təsdiq olunmamış xəritə əsasında müəyyən edilməsi təcrübəsinin mövcud olmadığı bir şəraitdə Ermənistan baş nazirinin yenidən bu məsələlərə istinad etməsi təəccüblüdür.

"Keçmiş SSRİ zamanında bölgəmiz üzrə müxtəlif dövrlərdə bir sıra xəritələrin hazırlandığı, bu xəritələrdən heç də hamısının hüquqi sənədlərə əsaslanmadığı məlumdur.

Ermənistan tərəfindən istinad edilən 1975-ci il xəritəsinə gəldikdə, belə bir xəritənin mövcud olmadığını, 1973-1986-cı illərdə bir sıra xəritələrin müxtəlif vaxtlarda hazırlandığını bir daha diqqətə çatdırmaq istərdik.

Ümumilikdə, təcrübəyə əsasən delimitasiya prosesi yalnız xəritələrə əsaslanmaqla həyata keçirilmir, bu xəritələrin istinad mənbəyi olması üçün onlar beynəlxalq hüquqi sənədlərə söykənməli, o cümlədən hər iki ölkə tərəfindən hansısa formada təsdiqlənməlidir. Ermənistanın ərazi iddiaları səbəbindən bu günədək heç bir qonşusu ilə sərhədlərini delimitasiya etmədiyi bir şəraitdə delimitasiyanın Ermənistanın iddia etdiyi kimi yalnız bir xəritə əsasında aparılmasdı iddiası heç bir məntiqə sığmır", - XİN-in şərhində bildirilib.

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar