Contact Us

SON XƏBƏRLƏR

Hollivud ulduzu Ancelina Coli Nərgiz Məhəmmədiyə zəng edib

2023.11.23, 11:36
Hollivud ulduzu Ancelina Coli Nərgiz Məhəmmədiyə zəng edib

Evin həbsxanasında saxlanılan güneyli hüquq müdafiəçisi, Nobel sülh mükafatı laueratı Nərgiz Məhəmmədi ilə Hollivud aktyoru və Birləşmiş Millətlər Təşkilatının Qaçqınlar üzrə Ali Komissarlığının keçmiş səfiri Ancelina Coli arasında telefon danışığı olub.

Gunaz.tv

Telefon danışığı barədə "Taym" nəşri və Nərgis Məhəmmədinin adına fəaliyyət göstərən sosial media kanalında məlumat yayılıb.

Telefon danışığı zamanı, Məhəmmədi İran hakimiyyətinin yalan və riyakarlıq üzərində qurlduğuna görə, həqiqətləri ört-basdır etməyə çalışdığını deyib.

Hüquq müdafiəçisi, rejimin həqiqətləri gizlətməsini müxaliflərə qarşı tətbiq etdiyi fiziki təzyiqlər və sui-qəsdlərdən daha qorxulu olduğunu söyləyib.

Hollivud ulduzu Ancelina Coli İranda qız və qadınlara qarşı təzyiqlər, məcburi hicab qaydalarını pozduğuna görə öldürülən 16 yaşlı Armita Gəravənd barədə Məhəmmədiyə sual verib.

"Hakimiyyət Armita Gravəndi öldürməklə bizə mesaj verdi ki, övladlarımızı öldürə və bizi həqiqətləri, dərdlərimizi dilə gətirməkdən məhrum edə bilər",- Nərgiz Məhəmmədi Ancelina Coliyə deyib.

Güneyli siyasi məhbus İranda qadınların, gənclərin cəmiyyətdə dərin dəyişiklik üçün geniş və təsirli qüvvələr olduqlarını bildirib.

O, həmçinin İranın gələcəyi ilə bağlı nikbin olduğunu bildirib və deyib ki, İran xalqının İslam Respublikası üzərində qələbəsi “asan deyil, lakin bu, mütləqdir”.

Qeyd edək ki, Güney Azərbaycanın Zəncan şəhərində doğulan Nərgiz Məhəmmədi hazırda Tehranın Evin həbsxanasında saxlanılır. O, 10 il 8 ay həbs, 154 şallaq cəzasına məhkum edilib.

Timur

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar