SON XƏBƏRLƏR

Yeni bir türk dövləti qurulur- Ukrayna ilə anlaşıldı

2026.11.20, 09:00
Yeni bir türk dövləti qurulur- Ukrayna ilə anlaşıldı

Rusiya tərəfindən işğal edilmiş Krımda Krım-tatar türkləri üçün muxtar dövlət qurmaq səylərində yeni bir mərhələyə qədəm qoyulub.

Gunaz.tv

Krım-tatar türklərinin milli lideri Mustafa Əbdülcəmil Kırımoğlu Ukrayna hökuməti ilə muxtariyyət barədə razılığa gəldiklərini və Krım Muxtar Respublikası üçün hazırlıqların başa çatdığını açıqlayıb.

Kırımoğlu "Türkiye" qəzetinə verdiyi açıqlamada davam edən müharibə səbəbindən Ukrayna Konstitusiyasında lazımi dəyişikliklərin hələ edilmədiyini qeyd edib.

Kırımoğlunun sözlərinə görə, məqsəd Krım tatarlarının Krımın Rusiya işğalından azad edilməsindən sonra milli kimliklərinə əsaslanan muxtar dövlətə nail olmaqdır.

Krım-tatar türkləri 1944-cü ildə Sovet rejimi tərəfindən vətənlərindən sürgün edilib və sonrakı illərdə torpaqlarına qayıtmaq üçün uzun mübarizə aparıblar. Kırımoğlu yüz minlərlə sürgün edilmiş Krım tatarının vətənlərinə qayıdıb öz bayrağı altında yaşayacağı bir gələcəyi hədəflədiklərini bildirib.

Ukrayna hökuməti ilə muxtariyyət barədə razılığa gəldiklərini bildirən Kırımoğlu, həmçinin şərait tələb olunarsa, sürgündə bir respublikanın elan edilə biləcəyini də açıqlayıb.

Lakin Krım Muxtar Respublikası üçün planlaşdırılan konstitusiya tənzimləməsi hələ qüvvəyə minməyib.

Krım-Tatar Türklərinin gələcək siyasi statusunu müəyyən edəcək proses davam edən Rusiya-Ukrayna müharibəsi zamanı beynəlxalq gündəmin vacib mövzularından birinə çevrilib.

GünAzTV

Açar Sözlər :

SEÇİLMİŞ XƏBƏRLƏR

Çox oxunanlar