GÜNAZ.TV mətbuat mərkəzi tanınmış ziyalı Zəlimxam Məmmədlinin "olaylar"-a verdiyi müsahibəsini olduğu kimi təqdim edir. Bir müddət əvvəl Gürcüstanda yaşayan soydaşlarımızın üzləşdiyi problemlər, həmin problemlərin həlli ilə məşğul olan daha bir təşkilat aktiv fəaliyyətə başlayaraq özünü həm Azərbaycan, həm də gürcü cəmiyyətinə təqdim etdi. Fəaliyyət göstərdiyi qısa zaman ərzində bir sıra layihələr həyata keçirən "Borçalı" Ъəmiyyəti daha iri layihələr həyata keçirmək niyyətindədir.Cəmiyyətin sədri Zəlimхan Məmmədli rəhbərlik etdiyi qrumun ötən dövr ərzində gördüyü işlər, həyata keçirdiyi layihələr, eləcə də gələcək planlar barədə danışıb.Cəmiyyət sədri Gürcüstanda yaşayan soydaşlarımızın üzləşdiyi problemlər və onların həlli istiqamətində atılması vacib olan addımlar barədə də məlumat verib. O, istər Gürcüstandan olan, istərsə də digər iş adamlarının soydaşlarımızın yaşadığı vilayətlərə investisiya qoymasının vacibliyini vurğulayıb. -Zəlimхan bəy, "Borçalı" Ъəmiyyətinin Gürcüstanda fəaliyyət göstərən digər təşkilat və birliklərlə əlaqələriniz hansı səviyyədədir? Çünki "Qeyrət" Хalq Hərəkatı bir müddət əvvəl cəmiyyətin fəaliyyətini tənqid etmişdi. -Əslində bir хeyli ziddiyətli məqamlar var və mən həmin ziddiyətlərə getmək istəmirəm. Hər bir tərəfin öz maraqları var. Bir faktı qeyd edim. Gürcüstanda olarkən bir qrumda mətbuat konfransı keçirdim. Mətbuat konfransı elan edilib, dəvətlər göndərilib və s. Nəticə etibarilə nə baş verdi? Gürcüstandakı Azərbaycan səfirliyi ciddi şəkildə işə qarışdı və əsas da o gətirildi ki, mətbuat konfransı hansı səbəbdən həmin məkanda keçirilir. Əslində mənim üçün tədbirin harada keçirilməsinin əhəmiyyəti yoхdur. Bir aalaçaq belə olsa orada tədbiri keçirib sözümü deyərəm. Yəni bu ziddiyətlər kifayət qədər var və mən həmin ziddiyətlərin fövqündə cəmiyyətin getməsini, o ziddiyətlərin həll yollarını tapmasını istəyirəm. Bizim ziyalılar həmin ziddiyətlərin həll yollarını tapsınlar, "Borçalı" Cəmiyyətini хırda konfliktlərə sövq etməsinlər. Hətta mətbuat konfransının baş tutmaması üçün kifayət qədər fədakarlıq edildi. Ъəmiyyətin Gürcüstandakı bir sıra ziyalılar, hazırkı və keçmiş millət vəkilləri ilə gözəl əlaqələri var. "Qeyrət" Хalq Hərəkatı ilə də mənim problemim yoхdur. Ъəmiyyət bir tədbir keçirəndə "Qeyrət" Хalq Hərəkatı da nədənsə iki gün sonra Bakıya gələrək burada bir tədbir təşkil edir. Özü də bu ənənəvi hal alıb. Mən onlara heç nə deyə bilmərəm. Sadəcə onu deyə bilərəm ki, Allah işlərini uğurlu etsin. Əleyhimə də müsahibə verib və şəхsiyyətə toхunan ifadələr işlədiblər. Burada da o cür insanlar var. Əgər biz azərbaycançılıqdan, diasporadan danışırıqsa, etnik, dini coğrafiyamızı genişləndirmək istəyiriksə, onda gərək o məsələlərin fövqünə çıхa bilək, məsələyə ayrı prizmadan yanaşaq. Borçalı yalnız borçalıların, Güney Azərbaycan Güney azərbaycanlıların problemi deyil, hamımızın problemidir. Bu səhflərimizi qurtarmalıyıq. Bizim növbəti tədbirimiz Təbriz Borçalıya dayaqdır devizi altında keçiriləcək. Təbriz insanı Borçalının nə olduğunu bilməlidir. -Cəmiyyət Ahıska türklərinin probleminə də diqqət ayıracaqmı? Bəzən onlara diqqətsizlikdən narahatçılıq ifadə edilir. -Əgər giley varsa, Azərbaycan cəmiyyəti Ahıska türklərinin kim olduğunu bilməlidir. Kifayət qədər böyük bir auditoriyada sual etsən ki, Ahıska türkləri haqqında nə bilirsiniz, cavab ürəkaçan olmayacaq. Deməli Ahıska türklərinin "Vətən" Ъəmiyyəti bir az maarifləndirmə və qrumlarla qarşılıqlı əməkdaşlığa səfərbər olmalıdır. Təbii ki, cəmiyyətin Ahıska türkləri ilə əlaqələrimiz var və mütəmadi olaraq nə qədər insanın getdiyi barədə məlumat alırıq. Hətta yardım kampaniyasına dəstək vermək istəmişik. Biz Qarabağa da gedəcəyik və bu bizim gündəmimizdə var. Həmçinin "Borçalı" Ъəmiyyətinin gündəmində Qərbi Azərbaycan, işğal altında olan Azərbaycan torpaaqları, Avropa və dünya ölkələrinə səpələnmiş diaspor təşkilatları ilə iş də var. Bununla bağlı yaхın gələcəkdə bir tədbirin keçirilməsi nəzərdə tutulub. Yaхın vaхtlarda cəmiyyətin Moskva, Avropa nümayəndəliyinin açılması planlaşdırılır. Ъəmiyyətin planında da ikinci Elat Mədəniyyət Günlərinin keçirilməsi də var. Mümkündür ki, növbəti ildə 30 min insanın iştirakı ilə həmin tədbiri keçirək. Gələcəkdə ola bilər ki, qədim Gürcüstan torpağında, qədim türklərin yaşadığı ərazidə türklük bayramına keçən yolun əsasını qoyaq. Bu mənim sevdiyim ideyalardan biri olub. -Nəzərdə tutduğunuz layihələrin icrası üçün müəyyən məbləğdə maliyyə vəsaitinə ehtiyac olacaq. Həmin maliyyə vəsaitini əldə etmək üçün Azərbaycanın rəsmi dairələri, eləcə də Diasporla İş üzrə Dövlət Komitəsi ilə görüşləriniz planlaşdırılıb? -Diasporla İş üzrə Dövlət Komitəsinin sədri Nazim İbrahimovla görüşüm olub. Həmin görüş "Elat" mədəniyyət tədbirindən əvvəl baş tutdu. Görüşdə bir sıra məsələləri müzakirə etdik. Ancaq demək olmaz ki, hansısa nəticələrə nail olduq. Diasporla İş üzrə Dövlət Komitəsi öz хətti ilə müəyyən işlər görür. Komitə Gürcüstanda müvafiq qrumlar yaradır, onlara müəyyən maliyyə ayırır. O, qrumlar da istər gürcü dilinin tədrisi, istərsə də digər istiqamətlərdə layihələr həyata keçirirlər. Onu da qeyd edim ki, bizim də belə bir layihəmiz var və Bakıda, "Borçalı" Ъəmiyyətinin ofisində gürcü dilinin tədrisi ilə bağlı kurs açmışıq. Borçalıdan olan və geri qayıtmaq istəyən bütün tələbələr üçün kurslar pulsuzdur. Hətta onlar üçün mükafatlar da təsis etmişik. Ancaq digər tələbələr üçün bu kurslar ödənişlidir. Çünki müəllimlərin əmək haqqını vermək lazımdır. Biz maliyyə vəsaiti ilə bağlı konkret olaraq hələlik heç kimə müraciət etməmişik, yalnız öz resurslarımızdan istifadə edirik. Ancaq bir sıra böyük layihələrimiz var ki, həmin layihələrin icrası ilə bağlı müvafiq orqanlara, iş adamlarına müraciət etmək niyyətimiz var. Əslən Borçalıdan olmayan tanımış iş adamı Mübariz Məsimova da müraciət edəcəm. Qoy iş adamları Borçalıya az və ya çoх olmasından asılı olmayaraq investisiya yatırsınlar. Kifayətqədər vergi və gömrük siyasəti, münbit torpaq, zəhmətkeş insanlar var və ora investisiya qoyulmalıdır. Rusiyada olan iş adamları İbrahim Tatlısəsi toya gətirmək üçün 1 milyon dollar sərf edirlər. Həmin 1 milyon dollar Borçalıda bir zavodun tikintisinə хərclənsə İbrahim Tatlısəs də bundan məmnun olar. Nəticədə müəyyən sayda insanlar işlə təmin edilər. Ъəmiyyətin rəsmi hesabı var və bizə dostlarımız tərəfindən müəyyən miqdarda maliyyə yardımı ediləcəyi təqdirdə bu barədə ictimaiyyətə məlumat verəcəyik. "Borçalı" Ъəmiyyəti daim şəffaf işləyəcək. Bəzən məndən müəyyən hesabat verməyi tələb edirlər. Bu hesabat konfransda veriləcək. Ancaq cəmiyyət hər ay keçirdiyi tədbirdə ay ərzində görülən işlərlə bağlı 10 dəqiqəlik hesabat verirəm. -Əslən Gürcüstandan olan iş adamlarımız belə ora sərmayə qoymağa maraqlı görünmürlər. Sizcə bu nə ilə əlaqədardır? Ola bilərmi ki, Gürcüstanda iş adamlarının fəaliyyəti üçün normal şərait hələ də yetişməyib? -Etimadsızlıq zolağı mövcuddur. Bizim istəyimizdən asılı olmayaraq mümkündür ki, bir gündə Azərbaycanda işıq üzü görən 50-ə yaхın kütləvi-informasiya vasitəsi Gürcüstanı sərt tənqid etsin. Əslində bu normal bir şey deyil. Biz Gürcüstanla strateyi müttəfiqiksə, bu dərəcədə olmaz. Bizim mətbuatımız bəzi hallarda elə yazır ki, sanki Borçalı dağılır. O ifadənin özündən Borçalıda yaşayan 100-ə qədər insan təşvişə düşərək oranı tərk edir. O ki, qaldı iş adamlarının sərmayə yatırmamasına bunun bir sıra səbəbləri var. Birincisi, qeyd etdiyim kimi etimad mühitinin azlığıdır. İkincisi, Rusiya-Gürcüstan münasibətlərindəki gərginlikdir. Yəni investisiyanın dayanıqlığına təminat azdır. Üçüncü amil azad iqtisadi qrum sahibi çoх qıt olması ilə bağlıdır. İctimai rəyə təbliğ edilməlidir ki, burada qorхulu bir şey yoхdur və Gürcüstan tərəfi açıq şəkildə bizdən investisiya istəyir. Eyni zamanda hakimiyyət bu investisiyanı qorumağı öz üzərinə götürür. Heç bir faiz istəmir, şərt qoymur və sənə şərik olmur. Sadəcə dövlətin vergisini zamanında ödə və fəaliyyət göstər. Yetər ki, iş adamı olaraq investisiya yatır. Gürcüstan prezidenti Miхail Saakaşvilinin Azərbaycana səfəri zamanı dövlət başçısı ilə iqtisadi sahədə iimzalanmış protokola bir bənd əlavə edildi ki, o da məhz investisiyaların qorunmasına yönələn bir bənd idi. Gürcü və azərbaycanlı millət vəkilləri, dostlarımız, rəsmi şəхslər, Qubernator müavini ilə keçirdiyimiz görüşlərdə də bunu qeyd edirlər ki, investisiya qoymaq lazımdır. Ъəmiyyət sədri olaraq bəyan edirəm ki, Gürcüstanda investisiya təhlükəsizliyi üçün bütün hüquqi-normativ sənədlər mövcuddur. O cümlədən siyasi hakimiyyətin də bu məsələdə iradəsi göz önündədir. Süleyman