Contact Us

SON XƏBƏRLƏR

Cansız Urmu gölünün artıq “öldürülməsinə” plan başlanıb

2024.01.09, 14:17
Cansız Urmu gölünün artıq “öldürülməsinə” plan başlanıb

Urmu gölünün quruması ilə törənən duz qasırğalarının qarşısını almaq bəhanəsi ilə gölün mulçlamasına başlanılıb.

Gunaz.tv

Mulçun kompozisiyası bölgənin ətraf mühitinə uzlaşdığı və ziyan verməyəcəyi iddia olunub.

Videoda görünüən mulç növü isə əkin sahələri üçün tətbiq olunan saman, daş qırıntıları və sair təbii maddə tərkibləri deyil. 

Müəyyən sahədə tədqiqat və yoxlama kimi başlanılan mulçlamanın nəticəsi uğurlu alınarsa, gölün bütün qurumuş səthi üzrə tətbiq olunacağı qənaətinə gəlmək olar.

Bu planın həyata keçirilməsi gölün artıq dirçəlməsi üçün iş görülməyəcəyi anlamındadır. 

Hakimiyyət bu məqsədini əsaslandırmaq və həmin mulçlamaya görə Güney Azərbaycanda ehtimal olunan yeni üsyan dalğasının qarşısını almaq, həmçinin gözlərdən pərdə asmaq üçün “təhlükəli duz qasırğaları” tezisini qabardıb. 

Sanki hakimiyyət bölgə xalqının sağlamlığı qayğısına qalır və rahatlığını düşünür.

Belə ki, Şərqi Azərbaycan Əyaləti üzrə Səhənd televiziya kanalında “təhlükəli duz qasırğalarının qarşısı alınmalıdır” başlığı ilə xəbər yayılıb. 

Əlbəttə, Urmu gölü duzlugöl kateqoriyadan olduğuna görə quruması ilə “təhlükəli duz qasırğaları” törənir. 

Lakin bunun qarşısını almağa xeyli sayda çıxış yollarından biri gölə axan çayların yolunda vurulmuş bəndlərin sularının müəyyən qədər buraxılmasıdır.

Qeyd edək ki, Urmu gölünün təxminən 96 faizi quruyaraq düz səthi yaranıb. Müasir texnikaların olduğunu nəzərə alaraq, bu böyük həcmdə duz səthini mulçlamaq mümkünsüz görünmür və az xərclə bir neçə aya bitirilə bilər.

Urmu gölündə mülçlama prosesinə başlanması barədə mütəxəssislərin və siyasi analitiklərin fikrini öyrənmək vacib görünür. 

Taymaz

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar