Contact Us

SON XƏBƏRLƏR

SEPAH və husilərə qarşı yeni sanksiyalar tətbiq edldi

2024.02.28, 11:43
SEPAH və husilərə qarşı yeni sanksiyalar tətbiq edldi

ABŞ və Britaniya SEPAH-ın Qüds Qüvvələri və İran hökumətinin dəstəklədiyi Yəmən husilərinə qarşı yeni sanksiyalar tətbiq ediblər. 

Gunaz.tv

Bu barədə Britaniyanın xarici işlər naziri Devid Kamerun məlumat verib.

Eyni zamanda o, Qırmızı dənizdə husi milislərinin hücumlarına görə bir daha İranın məsuliyyət daşıdığını bildirib.

"İranın dəstəklədiyi husilərin hücumları qəbuledilməzdir, qanunsuzdur və günahsız insanların həyatı və naviqasiya azadlığı üçün təhlükədir",- Kamerun deyib.

XİN başçısı bölgədə sabitliyi pozanlara qarşı mübarizədə Britaniyanın öz müttəfiqlərinin yanında olduğunu bildirib.

Qeyd edək ki, Britaniya indiyədək İran ilə əlaqəli 400 şəxs və ya quruma sanksiya tətbiq edib, ancaq hələ ki, bütövlükdə SEPAH-a qarşı sanksiya tətbiq etməyib və SEPAH-ın adını terrorçu təşkilatları siyahısına salmayıb.

Ağ Evin Milli Təhlükəsizlik Şurasının strateji Əlaqələr üzrə koordinatoru Con Kirbi məsələ ilə bağlı açıqlama verib.

Con Kirbi Bayden administrasiyasının İrana qarşı sanksiyaları azaltmaq və ya ləğv etmək planının olmadığını və İranı məsuliyyətə cəlb etmək üçün daha çox tədbir görəcəyini vurğulayıb.

"ABŞ Maliyyə Nazirliyinin tətbiq etdiyi sanksiyalar beynəlxalq su yollarında terrorçu hərəkətlərin maliyyələşdirilməsi şəbəkəsi və husilərin gəmiçilik əleyhinə hərəkətlərininın qarşısını almaq məqsədi daşıyır",- Kirbi bildirib.

O, deyib ki, SEPAH-ın Qüds Qüvvələrinin komandirinin müavini Məhəmməd Rza Fəllahzadəyə qarşı məhdudiyyətlər husilərin əməliyyatlarında oynadığı rol və Yəmənə ləvazimatların ötürülməsi səbəbindən qoyulub.

GünazTV

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar