Contact Us

SON XƏBƏRLƏR

Ərdoğan və Rəisi arasında telefon danışığı olub

2024.04.01, 13:16
Ərdoğan və Rəisi arasında telefon danışığı olub

Martın 31-i axşam saatlarında İran Prezidenti İbrahim Rəisi ilə Türkiyə Prezidenti Rəcəb Tayyib Ərdoğan arasında telefon danışığı baş tutub.

Gunaz.tv

Bu barədə İran prezidentinin mətbuat xidməti məlumat yayıb.

Danışıq zamanı zamanı ölkələr arasında siyasi, iqtisadi və mədəni əlaqələrin gücləndirilməsi üçün tədbirlərin görülməsinin vacibliyini vurğulayıb.

İki ölkə arasında əldə olunan razılaşmaların monitorinqi və həyata keçirilməsinin zəruriliyindən danışan Rəisi İranın Ankara ilə enerji sahəsində əməkdaşlığı gücləndirməyə və inkişaf etdirməyə hazır olduğunu bildirib.

İran mediasının verdiyi məlumata görə, Rəisi Ərdoğanla Qəzza məsələsini də müzakirə edib və İran rəhbərliyinin İsraillə əlaqələrin kəsilməsi barədəki iddiaları təkrar edib.

Qeyd edək ki, 7 oktyabr 2023-cü ildə HƏMAS-ın İsrailə terror hücumundan sonra İran Türkiyəyə qarşı ittihamlar səsləndirib.

Türkiyənin məsələ ilə bağlı şəffaf mövqeyinə baxmayaraq, İran mediası Türkiyəni İsrailə dəstək verməkdə ittiham edib.

Tehran, Məşhəd və Təbriz şəhərlərində hökumətə bağlı qurumlar Türkiyə səfirliyi və konsulluqları qarşısında etiraz aksiyaları keçiriblər.

GünazTV

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar