Suriyada İsrail tərəfindən öldürülən iranlı general Məhəmməd Rza Zahedi kim idi?

SON XƏBƏRLƏR

Suriyada İsrail tərəfindən öldürülən iranlı general Məhəmməd Rza Zahedi kim idi?

2024.04.03, 12:56

Aprelin 1-də İran İslam İnqilabı Keşikçiləri Korpusunun (SEPAH) yüksək rütbəli komandiri briqada generalı Məhəmməd Rza Zahedi Suriyada İsrail tərəfindən öldürülüb.

Gunaz.tv

Zahedi, Qasım Süleymaninin 2020-ci ildə ABŞ-ın pilotsuz uçan aparatının zərbəsi nəticəsində ölməsindən sonra öldürülən ən yüksək rütbəli İran hərbi komandiri olub.

2008-ci ildən etibarən, İranın regionda ciddi təhlükə mənbəyinə çevrilməsində Zahedinin rolu olub. SEPAH-ın elit xarici əməliyyat qolu olan Qüds Qüvvələrinin komandiri kimi fəaliyyət göstərib. Suriya və Livanda terror əməliyyatlarına rəhbərlik edib.

Yaxın Şərqdə İran maraqlarının əsas nümayəndəsi kimi Zahedi illərdir İsrail kəşfiyyatı tərəfindən izlənilib.

Sui-qəsddən sonra İran mediası tərəfindən yayımlanan Zahidinin görüntüləri onun regionda İrana bağlı digər yüksək səviyyəli fiqurlarla birlikdə olduğunu göstərir.

Tarixi dəqiq bilinməyən fotoda, Zahedinin Həsən Nəsrullah və İsrail tərəfindən öldürülən keçmiş ikinci komandir İmad Muğniyə də daxil olmaqla, Hizbullahın yüksək səviyyəli fiqurları ilə birlikdə Süleymaninin yanında dayandığını göstərir.

1980-1988-ci illər İran-İraq müharibəsi zamanı çəkilmiş başqa bir şəkildə isə onun Xamneyiyə yaxın olduğu görsənir.

Dövlət televiziyası Zahidinin evində keçirilən görüş ilə bağlı görüntülər də paylaşıb. Belə ki, 2011-ci ilin noyabrında Tehran yaxınlığında baş verən müəmmalı partlayışda öldürülən “İranın raket texnologiyasının atası” kimi tanınan Həsən Tehrani Müqəddamın da Məhəmməd Rza Zahedi ilə görüşdükləri ortaya çıxıb.

GünazTV

GUNAZ.TV

SON XƏBƏRLƏR