“Mediaya cinayəkar kimi yanaşmaq əvəzinə korrupsiya işlərinə baxın”

SON XƏBƏRLƏR

“Mediaya cinayəkar kimi yanaşmaq əvəzinə korrupsiya işlərinə baxın” - rəsmi qəzet

2024.04.11, 12:11

İranın rəsmi qəzeti məhkəmə qurumlarından istəyib ki, hakimiyyətlə eyni fikirdə olmayan mediaya cinayətkar gözü ilə baxmaq əvəzinə korrupsiya işlərinə aydınlıq gətirsinlər.

Gunaz.tv

İranın rəsmi qəzeti “Həm Mihən” yazıb: “Keyhan qəzeti , hakimiyyətlə eyni istiqamətdə olmayan qəzetlərə qarşı məhəkəmə sisteminə göstəriş verir.

Həmçinin maraqlıdır ki, hakimiyyətin valyuta qiymətlərini cilovlaya bilmədiyinə görə, elmi-iqtisadi çıxış yollar axtarmaq əvəzinə bu barədə olunan tənqidləri ölkənin təhlükəsizilyi əleyhinə hərəkət kimi qiymətləndidir”

Qəzet tənqidi yazısında əlavə edib: “məhkəmə qurumlarından, 3.7 milyar dollarlıq korrupsiya barədə dərhal hesabat verilməsini, bu iqtisadi cinayətdə rolları olanları təqdim etməyi və əleyhlərinə açıq məhkəmə prosesi keçrilməsini tələb edirik”.

Qeyd edək ki, 3.7 milyar dollar yeyinti dövlətə bağlı "Debş Çayı" Cəmiyyətində 1 ilə yaxındır üstü açılmamış qanun pozuntusuna işarədir.

Bu fəsad İran İslam Respublikası tarixçəsində ən iri və ağır maliyyə cinayəti hesab olunmaqla onun törənməsində İranın yüksək rəsmilərinin rolu olduğu bildirilir.

“Həm Mihən” vurğulayıb: “bu dəhşətli maliyyə korrupsiyasının üstünü açmamaq doğru deyil. Bu tələblərimizin hamısı qanuni və etik qaydalarına uyğun olmaqla Keyhan qəzetinin qanunsuz göstəriləriş ilə eyni deyil”.

Qeyd edək ki, İran hakimiyyətinə bağlı Keyhan qəzeti, ölkənin durumu və iqtisadi korrupsiya barədə tənqid edənlərin məhkəməyə verilməsini və onların tənqidlərinin İsrailin xeyrinə olduğu iddiasındadır.

Taymaz

GUNAZ.TV

SON XƏBƏRLƏR