Urmiya gölü son üç ildə iki qat azalıb

SON XƏBƏRLƏR

Urmiya gölü son üç ildə iki qat azalıb

2024.10.16, 12:38

Qərbi Azərbaycan Regional Su Şirkətinin baş direktoru İran rəsmilərinin Urmiya gölünün bərpası ilə bağlı təbliğatının əksinə olaraq, son üç ildə gölün ölçüsünün iki qat azaldığını açıqlayıb.

Gunaz.tv

Qərbi Azərbaycan Regional Su Şirkətinin baş direktoru Məcid Rostqarinin sözlərinə görə, üç il əvvəl gölün ölçüsü 1835 kvadrat kilometr olduğu halda, Urmiya gölünün ölçüsü indi 870 kvadrat kilometrə çatıb.

Məcid Rastqari iddia edib ki, “Son su ilində Urmiya gölünə bildirilmiş axıdma həcmi 467 milyon kubmetr olub, lakin gölə bu məbləğdən xeyli çox axıdılıb”.

O əlavə edib: Son ölçmələrə əsasən, gölün hazırkı səviyyəsi 1270 metr 10 santimetrdir və hazırda Urmiya gölünün 870 kvadrat kilometrliyində 1 milyard 170 milyon kubmetr su var.

Ətraf mühit sahəsində mütəxəssislərin fikrincə, Urmiya gölünün quruması bu bölgənin 14 milyondan çox sakininin həyatını təhlükə altına qoyub və bu ərazi sakinlərinin məcburi köçü ilə nəticələnəcək. Urmiya gölünün quruması və duz-toz mərkəzlərinin aktivləşməsi nəticəsində yaranan duz fırtınalarının baş verməsi Azərbaycan xalqının həyatını təhdid etməklə yanaşı, həm də beynəlxalq ekoloji təhlükə hesab olunur.

GünazTV

GUNAZ.TV

SON XƏBƏRLƏR