Rəhman Azərmirad: Vətəndaşlıq aktları idarəsi oğlumu 19 ay şəxsiyyət vəsiqəsiz saxladığına görə işimi itirmişəm!

SON XƏBƏRLƏR

Rəhman Azərmirad: Vətəndaşlıq aktları idarəsi oğlumu 19 ay şəxsiyyət vəsiqəsiz saxladığına görə işimi itirmişəm!

2024.12.31, 10:56

Təbrizli Rəhman Azərmiradın 2023-ci ildə oğlu üçün seçdiyi seçdiyi Volkan adına qeydiyyat idarəsinin etirazına görə uşaq 19 ay doğum haqqında şəhadətnaməsiz qalmışdır.

Gunaz.tv

Bu barədə Rəhman Azərmirad Balamın Adı kampaniyasına danışıb.

O, oğlunun 19 ay doğum haqqında şəhadətnaməsiz qaldığını və buna görə məcburiyyət qarşısında oğlu üçün Albay adını seçdiklərini bildirib.

Azərmiradın sözlərinə görə oğlunun doğum haqqında şəhadətnaməsi olmadığına görə onlar tibbi sığortadan yararlana bilməyib və uşağın bütün tibbi ehtiyaclarını baha qiymətə öz ciblərindən ödəmək məcburiyyətində qalıblar.

"Bu 19 ay ərzində uşağımız subsidiya və pay almaqdan məhrum olub. Həm də sərbəst işim var idi və işimlə əlaqədar ailəmlə Türkiyəyə gedib İran bazarında satmaq üçün mal gətirirdik, amma oğlumuzun doğum haqqında şəhadətnaməsi olmadığına və ona pasport ala bilmədik, bu səbəbdən İşimi də itirdim." - deyə Azərmirad fikirlərinə əlavə edib.

Azərmirad oğlunun sənədsiz qalmasının onlara psixoloji də təsir etdiyini qeyd edib. Ətrafındakı bəzi insanların ona mübarizənin mənasız olduğunu dediyini bildirib.

GUNAZ.TV

SON XƏBƏRLƏR