Tehran nümayəndəsi: Ana dilinin tədrisi planının səsə qoyulmaması üçün əlimizdən gələni etdik

SON XƏBƏRLƏR

Tehran nümayəndəsi: Ana dilinin tədrisi planının səsə qoyulmaması üçün əlimizdən gələni etdik

2025.03.01, 11:10

"Ana dilinin tədrisi planının səsə qoyulmaması üçün əlimizdən gələni etdik."

Gunaz.tv

Bu sözləri Türklərlə və Azərbaycanla uzun müddətdir ədavəti olan Tehran nümayəndəsi Əhməd Naderi deyib.

“Məktəblərdə ana dillərin tədrisi planı etnik millətçiliyin başlanğıcı ola bilər və etnik millətçilik yaranarsa, ölkə separatizm riski ilə üzləşəcək. Ona görə də hesab edirəm ki, bu qanun layihəsi məqsədəuyğun deyildi və bu gün biz parlament nümayəndələrini bu qanun layihəsinə səs verməməyə inandırmaq üçün əlimizdən gələni etdik.” - deyə Əhməd Naderi bildirib.

Qeyd edək ki, 2021-ci ildə də Əhməd Naderi İran Parlamentinin Təhsil və Araşdırma Komissiyasında farsca danışanlara qeyri-fars dillərinin öyrədilməsi planının təsdiqinə etiraz edərkən məktəblərdə qeyri-fars dillərinin tədrisini “milli təhlükəsizliyə zidd” adlandırıb və bütün iranlıların ana dilinin fars dili olduğunu bildirib.

O, İranda qeyri-farsdillilərin linqvistik soyqırımına haqq qazandıraraq, yalan ifadələr işlədib: "Tarixi dilçilik nöqteyi-nəzərindən demək olar ki, fars dili bütün iranlıların ana dili, mədəni və tarixi dilidir." - deyə o iddia edib.

Xatırladaq ki, İran Konstitusiyasının 15-ci maddəsinə əsasən, fars dili ilə yanaşı, mətbuatda və kütləvi informasiya vasitələrində qeyri-fars dillərdən istifadə edilməsi və onların məktəblərdə pulsuz tədrisinə imkan verilir. Ancaq İran onilliklərdir öz konsitutsiyasına əməl etməkdən boyun qaçırır.

GUNAZ.TV

SON XƏBƏRLƏR