Contact Us

SON XƏBƏRLƏR

Panİranistlər Şərqi Azərbaycan valisinə qarşı əks-təbliğata başlayıblar

2025.03.11, 11:10
Panİranistlər Şərqi Azərbaycan valisinə qarşı əks-təbliğata başlayıblar

İranda türk əleyhdarı irqçi qruplar Şərqi Azərbaycan valisi Bəhram Sərməst Azərbaycanın İranla əlaqəsinin fars dili ilə deyil, məzhəblə olduğunu dediyi üçün ona qarşı hücuma keçiblər.

Gunaz.tv

Martın 9-u, bazar günü axşam Tehranın Mütəfəkkirlər Evində “Milli Həmrəylik və Konstitusiyanın 15-ci maddəsi” konfransı keçirilib.

Konfransda Etnik, Dini və Məzhəb Məsələləri üzrə Şuranın rəhbəri, İranın keçmiş kəşfiyyat naziri Seyid Mahmud Ələvi də iştirak edib.

Bu konfransda Şərqi Azərbaycanın valisi Bəhram Sərməst Konstitusiyanın 15-ci maddəsinin həyata keçirilməsinə və qeyri-farsdillilərin öz ana dilində təhsil almasına çağırış edib.

“Biz ortaq məxrəc üzərində düşünməliyik və bu ondan ibarətdir ki, dilin birliyinə zəmanət verilir, etnik və yerli dillərin tədrisi pulsuz olur. Mən bu məsələni 1991-ci ildən araşdırıram və o zaman proqnozlaşdırmışdım ki, biz mədəni pluralizmlə üz-üzəyik və əgər hökumət bunları qəbul etməsə, burdan təhlükəli separatizm yaranacaq. Azərbaycanı İranla dil yox, din bağlayır. 15-ci maddənin potensialından istifadə etmək lazımdır, bu maddənin separatizmi təşviq etmək üçün istifadə edildiyini söyləmək yox” - deyə Bəhram Sərməst bildirib.

Bu bəyanatlardan sonra İrandakı türk əleyhdarları Şərqi Azərbaycan valisinə hücum edərək onu “pantürk” və “İranın ərazi bütövlüyünün düşməni” adlandırıblar.

 

C

Açar Sözlər :

SEÇİLMİŞ XƏBƏRLƏR

Çox oxunanlar